Багш нь сурагчдаа гар хүрч буй бичлэгүүд цахим орчинд удаа дараа цацагдах болж, нийгэмд бухимдал үүсгэсээр байна.
Энэ тухайд Боловсрол, Шинжлэх Ухааны сайд Л.Энх-Амгалан “Дорнодын багш хүүхдүүдээ зодож буй, Эрдэнэтийн сургуулийн сурагч ахлах ангийн ах нартаа зодуулж тархины хүнд гэмтэл авсан тухай эмгэнэлтэй гэмт үйлдлүүдийн тухай мэдээллүүд олон нийтийн сүлжээгээр цацагдсанд салбарын сайдын хувьд ч, эцэг хүний хувьд ч гүнээ харамсаж, сэтгэл зовнин сууна. Хүчирхийллийн золиос болсон сурагчид мөн тэдний эцэг эх, асран хамгаалагчдаас нь гүн хүлцэл өчье” гэжээ.
Мөн мэргэжлийн холбоод, төрийн бус байгууллагуудын оролцоо, үүрэг, хариуцлагыг нэмэгдүүлэх болно. Энэ бүхний үр дүн эхнээсээ гарч сурагчид болон багш нарын хандлага, харилцаанд эерэг өөрчлөлт үзэгдэж буй. Дээр дурдсан үзэгдэл ч сурагч, асран хамгаалагчийн зүгээс “шүгэл үлээж”, далд үзэгдлийг ил болгож буй эерэг өөрчлөлт юм. Урт удаан хугацаанд үргэлжлэх үйл явцын эхлэл тул тодорхой тайлагнах цаг хараахан болоогүй байна.
Энэ ажлаа бид эрчийг нь алдуулахгүй хийж байгаа, харин үр дүнг хамтдаа хүлээцгээе” хэмээжээ.
