Засгийн газрын бүтцэд өөрчлөлт оруулж, Тэргүүн шадар сайдтай болно гэх мэдээлэл бий. Мөн энэ албан тушаалд УИХ-ын гишүүн Ж.Мөнхбатыг томилох тухай яригдаж байна гэх мэдээлэл бий. Тиймээс түүнээс энэ талаар тодрууллаа.
Тэрээр “Засгийн газрын бүтцэд өөрчлөлт оруулах эсэх нь Ерөнхий сайдын бүрэн эрхийн асуудал. Ерөнхий сайд бүтцээ өөрчилнө гэвэл асуудлаа өргөн барих байх.
Энэ бол Үндсэн хуулиар Ерөнхий сайдад олгогдсон бүрэн эрхийн асуудал. Энэ асуудлын дараа Засгийн газрын бүрэлдэхүүний талаар ярих нь Ерөнхий сайдын бүрэн эрх юм.
Бид энэ талаар ярих нь Ерөнхий сайдын бүрэн эрхэд халдсан болно.
Надад сайдын санал ирээгүй. Хэвлэлээр сайд болно гээд олон хүний нэр явж байна. Өмнө нь надад сайд болох санал ирж байсан. Би татгалзаж байлаа. Энэ удаа ч гэсэн надад сайд болно гэсэн бодол алга” гэлээ.
