Эртхэн л хэлж зөвлөхгүй бол эдгээр![\"\"](http://undesten.mn/uploads/posts/2016-12/1482201693_15400455_354709228218890_5280928329844431558_n.jpg "\\"\\"")
гишүүд чинь олдсон дээр нь аялаад авья гэсэн шиг хаана л томилолт, туршлага
судлах үйл ажиллагаа байна тэр болгонд л оролцчихсон явж харагдах юм. УИХ-ын
гишүүнд визэнд орох шаардлага байдаггүй биз. Тэгээд ч төсвөөс аялал зугаалгынх
нь зардлыг шийддэг учраас олдсон боломжийг алдалгүй ашиглаж байгаа нь тэр байх
л даа.
Гэхдээ л ингэж болохгүй. Аялж
зугаалахаас илүү ажил улс оронд их л харагдах юм. Ядаж л гэр бүлийн
хүчирхийлэлтэй тэмцэх тухай хуулийг хэлэлцэж байгаа энэ үед эмэгтэйчүүдийн дуу
хоолой л хэрэгтэй байх юм.
Түүхэндээ хамгийн олон эмэгтэй хүн
сонгогдсон парламент шүү дээ. Гэтэл хууль нь ямар ч чадамжгүй, хэрэгжих
боломжгүй, түүхий, өрнөдөөс хуулсан гээд л муу хэлүүлээд сууж байх юм. Суух ч
гэж хуулийг нь буруугаар тайлбарлаж байхад ажлын хэсгийнхэн нь гадаадад
туршлага судлаад явж байгаа хойно арга ч үгүй биз.
![\"\"](http://undesten.mn/uploads/posts/2016-12/1482201677_15541452_1208805592536478_8900297495119298116_n.jpg "\\"\\"")
Одоо болно. Иргэд та бүгдийг эмэгтэй
хүнийхээ үүднээс эрчүүд хатуу хойрго хандсан зарим зүйлсийг засч, залруулж,
илүү нийгэмдээ чиглэсэн хуулийн төсөл баталж, эмэгтэйчүүд, хүүхдүүддээ анхаарлаа
хандуулах болов уу л гэж найдаж, итгэл хүлээлгэсэн. Түүнээс аялаад, зугаалаад,
сайд дарга нарт бараа болоод, өнгө өнгийн хувцсаар нүд эрээлжлүүлээд яваа бай
гэж лав сонгоогүй юмдаг. Уг нь бэлтэй, хөрөнгөтэй, өөрийн гэсэн бизнестэй, гадаад дотоодод явж, галуу шувууны мах идэж үзсэн, нэг үгээр нүд тайлсан манлайлагч бүсгүйчүүдийг сонгосон гэж бодож байсан чинь хаашаа л томилолт зугаалга байна тэр болгонд хэлхэлдээд л явж байдаг болж. Яасан ч завтай хүмүүс байдаг юм бэ дээ. Эртхэн ухаарч, ажлаа хий л дээ. Эмэгтэй хүний гар дутсан айл гэж байдаг шиг. Эмэгтэй хүний шийдвэр нөлөөлөл төрийн үйл ажиллагаанд дутагдалтай байгаад байх юм. Ер нь зугаалж
явсаар байтал бүрэн эрхийн чинь нэг жил өнгөрчихлөө.
Үндэстэн агентлаг
