Вьетнам, Монгол Улсын Гадаад харилцааны яам хоорондын зөвлөлдөх уулзалт Вьетнам улсын нийслэл Ханой хотод болж байна.
Уулзалтын үеэр манай улсын талаас хэд хэдэн асуудлыг чухалчилж буйн нэг нь визгүй зорчих асуудал байлаа.
Монгол Улсын Гадаад харилцааны дэд сайд Б.Мөнхжин “Вьетнамын талд тавьж буй гурав дахь чухал асуудал бол Монгол, Вьетнам хоёр улсын иргэд хоорондоо харилцан зорчих нөхцлийг хөнгөвчлөх асуудал юм. Монгол паспортын хүчин чадлыг нэмэгдүүлэх зорилгын хүрээнд урт хугацаандаа хоёр улсын хооронд харилцан визгүй зорчих саналыг тавилаа.
Монгол Улсын иргэд аль болох олон улс руу визгүй зорчдог байх зорилтыг хангахыг чухалчилж байгаа” хэмээлээ.
