Монголын анхны цахим сургууль нээлтээ хийж, 21 аймаг, есөн дүүргийн 477 сургуулийн аравдугаар ангийн 10,407 сурагч суралцахаар бүртгүүлсэн билээ.
Өөрөөр хэлбэл, энэ хичээлийн жилээс ерөнхий боловсролын сургуулийн аравдугаар ангийн сурагчид сонгон судлах хичээлийг цахимаар судлах боломжтой болсон юм.
Гэвч цахим сургуулийн хичээл эхэлсэн дөрвөн долоон хоногт нийслэлийн сурагчдын хамрагдалт хангалтгүй байгааг Боловсролын Ерөнхий газраас мэдээллээ.
Цахим сургалт нь Microsoft Teams программаар зохион байгуулагдаж буй бөгөөд танхимын бусад сургалттай ижил сонгон судлах хичээлийн дүн системд бүртгэгддэг. 
