Ойрын хоногуудад ихэнх нутгаар цаг агаар тогтуун байна гэдгийг Цаг уур, орчны шинжилгээний газраас мэдээллээ.
Өнөөдөр Улаанбаатар хотын хувьд багавтар үүлтэй ба цас орохгүй. Салхи баруунаас секундэд 3-8 метр байна. Шөнөдөө Яармаг-Сонгины орчмоор -33…-35 градус, бусад хэсгээр -26…-28 градус, өдөртөө -16…-18 градус хүйтэн байх аж.
2022 оны арванхоёрдугаар сарын 5-9-нийг хүртэлх цаг агаарын урьдчилсан төлөвөөс харвал:
- 5-нд баруун аймгуудын нутгийн хойд хэсгээр,
- 6-нд Алтай, Хангай, Хэнтийн уулархаг нутгаар,
- 7-нд баруун аймгуудын нутгийн баруун, төв, зүүн аймгуудын нутгийн хойд хэсгээр,
- 8-нд баруун, төвийн аймгуудын нутгийн зарим газраар ялимгүй цас орно.
