МАН-ын Удирдах зөвлөлийн хуралдаанаар Цахим хөгжил, харилцаа холбоо /ЦХХХ/-ны дэд сайдаар Ж.Эрхэмбаатарыг томилох саналыг дэмжсэн байна.
Өнгөрсөн арваннэгдүгээр сард тус яамны дэд сайд Б.Болор-Эрдэнийг өөрийн хүсэлтээр нь үүрэгт ажлаас чөлөөлсөн юм. Одоо Засгийн газрын ээлжит бус хуралдаанаар Ж.Эрхэмбаатарыг ЦХХХ-ны дэд сайдаар эцэслэн томилох юм байна.
Дэд сайдаар томилогдох Ж.Эрхэмбаатар нь:
Мэргэжил: Хуульч
Эрдмийн зэрэг, цол: Хууль зүйн ухааны магистр
Төгссөн сургууль: МУИС, ХБНГУ-ын Хамбургийн Их Сургууль, АНУ-ын Калифорния Их Сургуулийн Беркли дэх Хуулийн сургууль, Нидерландын вант улс, Ирасмус Роттердамын Их Сургууль
Ажилласан байдал:
- 2005-2007 “Сувд” хууль зүйн товчоо – гишүүн өмгөөлөгч
- 2007-2008 “Говь” ХК – Хуулийн хэлтсийн захирал
- 2007-2008 ХҮДС-ийн Хүмүүнлэгийн ухааны сургуульд гэрээт багш
- 2008-2010 “Лэгэс партнерс” хууль зүйн товчоо – гүйцэтгэх захирал
- 2010-2011 МУИС, ХЗС-ийн гэрээт багш
- 2010-2018 “МонРосКонсалтинг” ХХК – партнер хуульч, гүйцэтгэх захирал
- 2013-2015 “Монголын Хуульчдын Холбоо” – Удирдах зөвлөлийн гишүүн
- 2021 онд МАН-ын Ерөнхий нарийн бичгийн дарга Д.Амарбаясгалангийн хуулийн зөвлөхөөр
-
2022 онд Монгол Улсын Хөгжлийн банкны Үйл ажиллагаа хариуцсан дэд захирлаар тус тус ажиллаж байсан юм.
