МТС, Хөсөг трэйдийн баруун уулзварын 1 чигийн хөдөлгөөнийг түр хойшлуулах болсон тухай, үүсээд буй нөхцөл байдалтай холбогдуулан албаныхан буюу С.Адъяасүрэн ЗХУТ-ийн захирал, Ч.Батзориг УБ хотын Авто замын түгжрэлийг бууруулах нэгдсэн төслийн захирал, Тээврийн цагдаагийн удирдлагууд мэдээлж байна.
Авто замын түгжрэлийг бууруулах нэгдсэн төслийн захирал Ч.Батзориг:
28-наас эхлэн хоёр байршил, гурван уулзварт чиглэлийн хөдөлгөөний өөрчлөлт хийсэн. Өмнөх судалгаанд суурилж өөрчлөлтийг хийсэн ч зарим нэг хүндрэлтэй асуудал гарсан. Хотхоны оршин суугчдын эсэргүүцэлтэй тулгарсан ч албаныхан хэрэгжилтийг үргэлжлүүлж байна. Бид цаашид замын хөдөлгөөний чиглэлийн өөрчлөлтийг шат дараатай явуулна. Эхлээд Зайсангийн уулзварыг нэг чигийн өөрчлөлттэй болгосон. Цаашид ЧД, СБД-т замын хөдөлгөөний чиглэлд өөрчлөлт оруулна. Өөрчлөлтийг цуцалсан зүйл байхгүй. Туршилтын хугацаа энэ долоо хоногт дуусах ба үр дүнгийн талаарх мэдээллийг ирэх долоо хоногт дэлгэрэнгүй мэдээлэл өгөх болно” гэлээ.
ЗХУТ-ийн захирал С.Адъяасүрэн:
Сүүлийн гурван өдөр багагүй хэл амтай өнгөрлөө. Бид тооцоо судалгаа, үндэслэлтэйгээр замын хөдөлгөөний чиглэлийн өөрчлөлтийг хийсэн. Өөрчлөлт орохоос өмнө болон дараах байдлаар ижил өдөр, цагийн харьцуулалтыг хийсэн ба тодорхой үр дүн гарсан зургаас харагдаж байна.
