Хөгжлийн Банкны түр хороог татан буулгаж, тогтоолын төслийг батлахаар боллоо
УИХ-ын чуулганы нэгдсэн хуралдаан эхэллээ. Хуралдааны эхэнд Засгийн газрын тусгай сангийн тухай хуульд өөрчлөлт оруулах тухай, Төрөөс олгох урамшууллаас нийгмийн даатгалын болон эрүүл мэндийн даатгалын шимтгэл суутган төлөх тухай хуулийг төслийг эцэслэн баталлаа.
Дараа нь Хөгжлийн Банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийн явцын талаар Хянан шалгах үүрэг бүхий түр хорооны тайлан, санал, дүгнэлтийг үргэлжлүүлэн хэлэлцсэн юм.
Түр хороо тайлан дүгнэлтээ танилцуулсан учир татан буугдаж, тогтоолын төслийг батлахаар болов.
Дараа нь Хөгжлийн Банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийн явцын талаар Хянан шалгах үүрэг бүхий түр хорооны тайлан, санал, дүгнэлтийг үргэлжлүүлэн хэлэлцсэн юм.
Санал дүгнэлтэд:
- Цаашид, Хөгжлийн банкны засаглал, удирдлагын тогтолцоог олон улсын жишигт нийцүүлэх, банкны хяналтын “Базелийн хороо”-н зарчмууд зэрэг дотоод хяналт ба эрсдэлийн удирдлагын тогтолцооны бүтэц эрх хэмжээг тусгасан засаглалын зарчмуудад үндэслэн банкны засаглалын бодлого, эрсдэлийн бодлогыг боловсруулан батлах,
- Мөн дотоод хяналтын тогтолцоог бүрдүүлэх, банкны үйл ажиллагаатай холбоотой аливаа асуудлыг мэргэжлийн түвшинд, ашиг сонирхлын зөрчилгүй, хараат бус байдлаар шийдвэрлэх чадвартай ТУЗ-ийн гишүүдийг томилох, тэдэнтэй гэрээ байгуулж ажиллах, гүйцэтгэх удирдлагыг багаар нь сонгон шалгаруулж, гэрээ хийн, үнэлэлт дүгнэлт өгч ажиллах зэрэг өөрчлөлтийг хийх,
- Олон улсын банк санхүүгийн стандартад нийцүүлж Хөгжлийн банкны эрх зүйн орчин, дүрэм журмуудыг шинэчлэх шаардлагатайг тусгасан байна.
ЭМД-ын Үндэсний зөвлөлд МҮЭХ-ны ерөнхийлөгч С.Эрдэнэбат, "Сонгдо" эмнэлгийн эмч Ш.Зоригоо нарын зургаан хүн нэр дэвшжээ
Үргэлжлүүлэн Эрүүл мэндийн даатгалын Үндэсний зөвлөлийн зарим гишүүнийг чөлөөлөх, томилох тухай асуудлыг хэлэлцэж байна. Нэр дэвшигчийн танилцуулгыг УИХ-ын гишүүн С.Одонтуяа танилцууллаа.
Нэр дэвшигчид:
- МҮЭХ-ны ерөнхийлөгч С.Эрдэнэбат
- Монголын төмөр замчдын ҮЭХ-ны дэд дарга Б.Алтанхуяг
- ШУА-ийн Хэл зохиолын хүрээлэнгийн секторын эрхлэгч Т.Баясгалан
- Монголын хувийн хэвшлийн эрүүл мэндийн байгууллагын нэгдсэн холбооны ерөнхийлөгч, “Сонгдо” эмнэлгийн Эмчилгээ эрхэлсэн захирал Ш.Зоригоо
- Монголын сумын эмч мэргэжилтнүүдийн удирдах зөвлөлийн гишүүн Ж.Гэрэлмаа
- МҮХАҮТ-ын дэргэдэх “Бизнес академи”-ийн чиглүүлэгч багш Н.Одон нар багтжээ.
Энэ үеэр УИХ-ын гишүүн М.Оюунчимэг “ЭМД-ын Үндэсний зөвлөл нь Сайдынхаа удирдлага дор ажиллах нь утгагүй. Би өөрөө Нийгмийн бодлогын байнгын хорооны дарга байхдаа эм, эмнэлгийг дагасан бүлэглэлтэй үзэлцэж эхэлсэн.
Тэд нэг ам.долларын үнэ бүхий эмийг 100 ам.доллар болгож зардаг. Өөрөөр хэлбэл, 3,400 төгрөгийн үнэтэй эмийг 340,000 төгрөгөөр зардаг гэсэн үг. Гэтэл тухайн эм нь үйлчилгээ муутай, мөн стандартын шаардлага хангадаггүй” гэдгийг онцоллоо.
Гишүүд асуулт асууж, үг хэлж дууссаны дараа тэднийг ЭМД-ын Үндэсний зөвлөлийн гишүүнээр томилох асуудалд санал хурааж, бүгд дэмжигдлээ.
