Ус, цаг уур, орчны шинжилгээний хяналт шинжилгээний үндэсний зөвлөгөөн болж байна. Уг зөвлөгөөнд 730 гаруй цаг уурын салбарын төлөөлөл оролцож байна. Хамгийн залуу буюу 20 настай цаг уурч Говьсүмбэр аймгаас оролцож байгаа аж.
Зөвлөгөөнийг нээж, Монгол Улсын Шадар сайд, Уур амьсгалын үндэсний хорооны дарга С.Амарсайхан, Цаг агаарын аюулт үзэгдэл, болзошгүй аюул ослоос урьдчилан сэргийлэхэд эрдэмтэн судлаачдын тооцоолол ихээхэн хувь нэмэр оруулдгийг онцлох нь зүйтэй. Манай улс уур амьсгалын өөрчлөлтөд өртөмтгий, хамгийн эмзэг орнуудын нэг. Цаг агаарын аюулт үзэгдлийн эдийн засагт үзүүлж буй шууд хохирлын хэмжээ жилд багадаа 10 тэрбум төгрөг хүрч байна гэв.
Уур амьсгалын өөрчлөлтийн улмаас сүүлийн 80 гаруй жилд Монгол Улсын агаарын дундаж температур 2.2 хэмээр нэмэгдсэн. Хуурайшилт, усны хомсдол, газрын доройтлын улмаас газар нутгийн 80 орчим хувь нь цөлжилтөд өртөж, цаг агаарын аюултай үзэгдэл өмнөх 10 жилээс 1.5 дахин нэмэгджээ.
Байгаль орчин, аялал жуулчлалын сайд Б.Бат-Эрдэнэ, Манай орны гол, нуур цөөрөм, булаг шанд жилд 300 гаруйгаар ширгэж байна. Цаг уурчид зөвхөн тоног төхөөрөмж дээр ажиллахаас гадна олон нарийн шинжилгээг хийдэг, дэлхийн хэмжээний цаг уурчидтай эн зэрэгцэхүйц түвшин ажилласаай гэж бид хүсэж байгаа. Тийм ч учраас Байгаль орчин, аялал жуулчлалын яамнаас 2023 оныг ус, цаг уурчдын жил болгон зарласан гэдгийг онцлов.
