Энэ Сарын 18-Ны Өдөр Монголын Спортын Оны Шилдгүүдийг Тодруулдаг “Бөртэ Чоно-2023” Тэргүүн Дээд Шагнал Гардуулах Ёслол Болно. 2003 Оноос Эхлэлтэй Уг Ёслол Энэ Жил Үндсэн 15 Номинациар Шилдгүүдээ Тодруулна.
Өнгөрсөн жил шилдгийн шилдэг эрэгтэй, эмэгтэй тамирчнаар хүндийн өргөлтийн тамирчин М.Анхцэцэг, жүдо бөхийн Ц.Цогтбаатар нар шалгарч байсан билээ.
Энэ жилийн өрсөлдөгч нараас мэргэжлийн бокс, цахим спортын баг тамирчид өрсөлдөөнд нэмэгджээ. Дугуйн спортын С.Жамбалжамц, байт харвааны Б.Отгонболд нар энэ оны онцлох амжилтыг үзүүлж, Азийн наадмаас хүрэл, алтан медалийн эзэд болсон бол “PUBG”-ийн А.Бүрэнбаяр/TOP/ дэлхийн аваргад аман хүзүүдэж, томоохон тэмцээнүүдийн шилдгээр шалгарсан амжилттай.
Сонирхуулахад, Эрэгтэй шилдэг тамирчны шагналд саяхан болж өнгөрсөн “PUBG Mobile”-ийн дэлхийн аварга болсон “IHC Esports” болон Азийн наадмаас мөнгөн медаль хүртсэн “DOTA2”-ийн “IHC Esports” багийг нэр дэвшүүлжээ.
Тэднийг баг гэдэг утгаар нь спорт тоглоомын оны шилдэг багт нэр дэвшүүлэх учиртай. Гэтэл хувь хүнд олгодог шилдэг эрэгтэй тамирчны шагналд дөрөв, таван хүнтэй бүхэл бүтэн багийг нэр дэвшүүлж байгаа нь сонирхолтой.
Шилдгүүдийг Монголын спортын сэтгүүлчдийн холбооны гишүүдийн саналаар тодруулдаг
Энэ жилийн боксын ДАШТ-д амжилттай оролцсон ч Азийн наадмын дараа допингтой нэр холбогдсон боксын тамирчин Б.Чинзоригийг нэр дэвшүүлэхээс татгалзсан байна.
