Дэлхийд технологиороо тэргүүлэгч компаниудын нэг болох Samsung компани технологийн салбарт шинэлэг, содон бүтээлүүдээ жил бүр дэлхий дахинд танилцуулдаг “GALAXY UNPACKED” арга хэмжээ “Мобайл AI-н эринд тавтай морил” уриатайгаар Монголын цагаар 2024 оны 1-р сарын 17-с 18-ны шилжих шөнө 02:00 цагт танилцуулагдлаа.
Дэлхий даяар технологийн хөгжил дэвшлийг сонирхогч хэн бүхний хүлээлтийг үүсгээд байсан “Galaxy AI” арга хэмжээний нээлтээр Galaxy “S” цувралын S24 ухаалаг утаснууд, Galaxy Watch 6 болон таны эрүүл мэндийн ирээдүйг өөрчлөх цоо шинэ төхөөрөмж Galaxy Ring-Ухаалаг бөгжийг танилцууллаа.
Нээлтийн хамгийн их хүлээлт үүсгээд байсан Samsung-ийн шинэ эрин үеийг илтгэсэн Galaxy AI технологи нь хамгийн хүчирхэг технологийг өөртөө шингээн бүтээгддэг Galaxy S24 Ultra загвартаа ямар ч хэлний бэрхшээл, соёлын ялгаагүйгээр хоорондоо харилцах харилцаа холбооны цоо шинэ боломж болох 13 орны хэл дээр орчуулагдах Live Translate буюу дуудлага хийх, дуудлага хүлээн авахад дуу хоолойгоор нь дэлгэц дээр цаг хугацааны хоцрогдолгүйгээр хувийн орчуулагчтай мэт шууд орчуулахаас гадна утасны keyboard дээр бичиж чатлахад шууд орчуулах Chat Assist нэмэлтийг шинээр оруулсан.
Voice recorder аппликейшны тусламжтайгаар таны яриаг автоматаар текст болгож хувирган тойм дүгнэлтийг гарган өгдөг технологийг мөн нэвтрүүлжээ.
Note Assist технологи нь түлхүүр үг болон гараараа бичсэн текстийг ч автоматаар эмхэлж агуулгаар нь цэгцэлж танд эрэмбэлэн өгөх боломжтой болсон.
Тус арга хэмжээнд танилцуулагдсан AI хурууны хөдөлгөөнөөрөө хүссэн бүх мэдээллээ олох хайлтын шинэ арга зам буюу Circle to Search технологи нь таны өдөр тутмын амьдралыг хөнгөвчилж хүссэн мэдээлэл, зургуудыг хайж олох хамгийн анхны ухаалаг утас байх болно гэдгийг онцолсон юм.
Ухаалаг AI суурьтай камер нь 200 МП, телефото 2 камер нь S23 Ultra загвар дээр 10 МП байсан бол S24 Ultra загварт 50 МП болж 5х томруулж илүү тод, нягтаршилтайгаар зураг, бичлэг авахаар зохион бүтээгджээ. Мөн шөнө харанхуй орчинд илүү нарийн тод авах Nightgraphy нэмэлт тохиргоо нь таныг зураг, бичлэг авахад объектыг илүү тодруулж илүү мэргэжлийн өндөр түвшний зураг авах, засварлах боломжтой болгож өгсөн байна.
Арга хэмжээний үеэр онцолсон бас нэгэн мэдээ нь инстаграмд HDR зургуудыг оруулах боломжтой болсон анхны гар утас нь Galaxy S24 утас боллоо гэдгийг тодотгов.
Илүү сайн үйл ажиллагаатай цоо шинэ NPU, CPU, GPU процессоруудыг нэг дор суулгаж өгснөөр удаан хугацаанд тоглоом тоглосон ч халахгүй, өөрийгөө хөргөх технологитой болсон нь удаан хугацаанд тоглоом тоглоход зориулагдсан байна. Гадаа гэрэлтэй орчинд ч дэлгэцийн дүрс илүү тод харагдаж дэлгэцийн гэрэлтүүлгийг автоматаар тохируулан, гэрэл ойлтыг 75%-р бууруулан өгчээ.
Дэлгэцийн хувьд Gorning Gorilla Armor шил нь цемент дээр унахад энгийн утастай харьцуулахад 3 дахин бат бөх болж дэлгэцийн зурагдах аюулыг мартаж болохоор болжээ.
Samsung компани нь байгальд ээлтэй технологийг ашиглаж 2030 он гэхэд утасны бүх төхөөрөмжид хамгийн багадаа нэг дахин боловсруулсан материал ашиглах зорилт тавьсан бөгөөд S24 загварын гар утсанд дахин боловсруулсан хөнгөн цагаан кобалт болон хаягдсан батарейг ашигласан. Мөн бүтээгдэхүүний хайрцагыг нь 100% цаасан хайрцаг ашиглаж бүтээжээ.
