Тайландын Хаант Улсад албан ёсны айлчлал хийж буй Гадаад харилцааны сайд Б.Батцэцэг 2024 оны дөрөвдүгээр сарын 23-ны өдөр тус улсын Шадар сайд бөгөөд Гадаад хэргийн сайд Панпри Пахид Тха-Нукорн-той албан ёсны хэлэлцээ хийжээ. Үүнд:
- “Монгол, Тайландын хооронд 2022-2027 онд хамтран ажиллах 5 жилийн төлөвлөгөө”-нд тусгагдсаны дагуу 2027 он гэхэд хоёр талын худалдааны эргэлтийг 100 сая ам.долларт, хөрөнгө оруулалтыг 1.5 тэрбум ам.долларт хүргэх чиглэлээр идэвхтэй хамтран ажиллах, Засгийн газар хоорондын гэрээ, хэлэлцээрийн төслүүдийг ойрын хугацаанд эцэслэн дээд түвшний айлчлалын үеэр байгуулахаар тохиролцов.
- Хоёр тал Тайландын Олон улсын хамтын ажиллагааны агентлаг (ТICA)-ийн хүрээнд хамтран ажиллаж, төрийн албаны хүний нөөцийг чадавхжуулах, эрүүл мэнд, аялал жуулчлалын салбарын мэргэжилтэн бэлтгэх чиглэлээрх хамтын ажиллагааг үргэлжлүүлж, “Монгол, Тайландын хамтын ажиллагааны 2024-2025 оны хөтөлбөр”-ийг ойрын хугацаанд байгуулахаар тогтов.
- Сүүлийн жилүүдэд Тайланд улсыг зорьж буй монгол иргэд, жуулчдын тоо огцом нэмэгдэж буйг онцолж, хоёр улсын Засгийн газар хооронд байгуулсан визийн шаардлагаас чөлөөлөх тухай хэлэлцээрт нэмэлт, өөрчлөлт оруулах, иргэд харилцан визгүй зорчих хугацааг 60 хоног болгох талаар Тайландын талаас нааштай шийдвэр гаргасныг мэдэгдэж, хоёр талын дотоод процедурыг эхлүүлэхэд хамтран ажиллахаар тогтжээ.
Улаанбаатар хотноо ирэх зургаадугаар сард зохион байгуулагдах Зүүн хойд Азийн аюулгүй байдлын асуудлаарх “Улаанбаатарын яриа хэлэлцээ” олон улсын 9 дүгээр бага хурал болон наймдугаар сард зохион байгуулах “Дэлхийн эмэгтэйчүүдийн чуулга уулзалт”-ад Тайландын талаас өндөр түвшний төлөөлөгчид оролцоно гэдэгт итгэлтэй байгаагаа Монголын тал илэрхийлсэн байна.
Монгол иргэд тус улс руу 30 хоног визгүй зорчдог, үүнийг 60 хоног болгох нь.
МОНГОЛ УЛСЫН ИРГЭД ВИЗГҮЙ ЗОРЧИХ ОРНУУД (2024.03.01 байдлаар)
| № | Улс орон | Зорчих нөхцөл, визгүй зорчих хугацаа, Хүчин төгөлдөр болсон огноо |
| 1 | Хятад | Бүх төрлийн паспортаар 30 хоног хүртэл / 1989.03.30 |
| 2 | Филиппин | Бүх төрлийн паспортаар 21 хоног хүртэл / 1994.05.13 /Зөвхөн бизнес болон аялал жуулчлалын зорилгоор зорчих паспортын хугацаа 6 сараас доошгүй хүчинтэй хугацаатай, нутаг буцах эсвэл дараагийн улсад зорчих нислэгийн тийзтэй энгийн паспорт эзэмшигч иргэд 30 хүртэл хоногийн хугацаанд визгүй/ |
| 3 | Малайз | Бүх төрлийн паспортаар 30 хоног хүртэл / 1994.06.06 |
| 4 | Казахстан | Бүх төрлийн паспортаар 90 хоног хүртэл / 1994.12.02 |
| 5 | Израйль | Бүх төрлийн паспортаар 30 хоног хүртэл / 1996.03.12 |
| 6 | Хонконг/БНХАУ/ | Бүх төрлийн паспортаар 14 хоног хүртэл / 1998.06.18 |
| 7 | Киргиз | Бүх төрлийн паспортаар 90 хоног хүртэл / 1999.12.04
/180 хоногт/ |
| 8 | Куба | Бүх төрлийн паспортаар 30 хоног хүртэл / 2001.10.08 |
| 9 | Макао/БНХАУ/ | Бүх төрлийн паспортаар 90 хоног хүртэл / 2004.07.03 |
| 10 | Лаос | Бүх төрлийн паспортаар 30 хоног хүртэл / 2007.10.14 |
| 11 | Tайланд | Бүх төрлийн паспортаар 30 хоног хүртэл / 2008.01.13 |
| 12 | Беларусь | Бүх төрлийн паспортаар 90 хоног хүртэл / 2013.09.04 |
| 13 | Турк | Бүх төрлийн паспортаар 30 хоног хүртэл / 2013.10.10 |
| 14 | Серби | Бүх төрлийн паспортаар 90 хоног хүртэл / 2013.11.08 |
| 15 | ОХУ | Бүх төрлийн паспортаар 30 хоног хүртэл / 2014.09.03 |
| 16 | Бразил | Бүх төрлийн паспортаар 90 хоног хүртэл / 2015.09.21 |
| 17 | Сингапур | Бүх төрлийн паспортаар 30 хоног хүртэл / 2017.06.08 |
| 18 | Украин * | /Албан ёсны урилгатай тохиолдолд/ Бүх төрлийн паспортаар 90 хоног хүртэл |
| 19 | Аргентин | Бүх төрлийн паспортаар 90 хоног хүртэл / 2018.02.19 |
| 20 | Уругвай | Бүх төрлийн паспортаар 30 хоног хүртэл / 2018.06.10 |
| 21 | Чили | Бүх төрлийн паспортаар 90 хоног хүртэл / 2018.12.29 |
| 22 | Эквадор | Бүх төрлийн паспортаар 90 хоног хүртэл / 2020.10.23 |
| 23 | Перу | Бүх төрлийн паспортаар 90 хоног хүртэл / 2021.10.01 |
| 24 | Узбекистан | Бүх төрлийн паспортаар 30 хоног хүртэл / 2022.06.03 |
| 25 | Барбадос | Бүх төрлийн паспортаар 90 хоног хүртэл / 2022.07.28 |
| 26 | Арабын Нэгдсэн Эмират | Бүх төрлийн паспортаар 30 хоног хүртэл / 2023.12.28 |
| 27 | Мальдив | Бүх төрлийн паспортаар 30 хоног хүртэл / 2024.01.12 |
| 28 | Парагвай | Бүх төрлийн паспортаар 90 хоног хүртэл / 2024.01.17 |
| 29 | Вьетнам | Бүх төрлийн паспортаар 30 хоног хүртэл / 2024.03.07 |
| ДИПЛОМАТ, АЛБАН ПАСПОРТ | ||
| 30 | Румын | Дипломат, албан паспортаар 30 хоног хүртэл / 1974.10.14 |
| 31 | БНАСАУ | Дипломат, албан паспортаар 90 хоног хүртэл / 1986.11.14 |
| 32 | Словак | Дипломат, албан паспортаар 90 хоног хүртэл / 1992.06.26 |
| 33 | Чех | Дипломат, албан паспортаар 90 хоног хүртэл / 1992.06.26, 2011.07.29, 2023.11.22 |
| 34 | Вьетнам | Дипломат, албан паспортаар 90 хоног хүртэл / 2024.03.07 |
| 35 | Мексик | Дипломат, албан паспортаар 90 хоног хүртэл / 2001.11.09 |
| 36 | Энэтхэг | Дипломат, албан паспортаар 90 хоног хүртэл / 2005.12.23 |
| 37 | Болгар | Дипломат, албан паспортаар 90 хоног хүртэл / 2011.01.18 |
| 38 | Кипр | Дипломат, албан паспортаар 90 хоног хүртэл / 2011.03.30 |
| 39 | Польш | Дипломат, албан паспортаар 90 хоног хүртэл / 2011.06.29 |
| 40 | БНСУ | Дипломат, албан паспортаар 90 хоног хүртэл / 2012.05.31 |
| 41 | Камбож | Дипломат, албан паспортаар 30 хоног хүртэл / 2012.08.27 |
| 42 | Кувейт | Дипломат, албан паспортаар 90 хоног хүртэл / 2013.04.16 |
| 43 | Перу | Дипломат, албан паспортаар 90 хоног хүртэл / 2013.04.30 |
| 44 | ХБНГУ | Зөвхөн Цахим дипломат паспортаар 90 хоног хүртэл / 2013.05.08 |
| 45 | Бруней | Дипломат, албан паспортаар 14 хоног хүртэл / 2013.07.01 |
| 46 | Колумб | Дипломат, албан паспортаар 30 хоног хүртэл / 2013.09.23 |
| 47 | Франц | Дипломат паспортаар 90 хоног хүртэл / 2013.10.26 |
| 48 | Мьянмар | Дипломат, албан паспортаар 30 хоног хүртэл / 2013.11.18 |
| 49 | Эстони | Зөвхөн Цахим дипломат паспортаар 90 хоногхүртэл / 2014.04.28 |
| 50 | Латви | Дипломат, албан паспортаар 90 хоног хүртэл / 2014.06.12 |
| 51 | Итали | Дипломат паспортаар 90 хоног хүртэл / 2014.07.14 |
| 52 | Туркменистан | Дипломат, албан паспортаар 30 хоног хүртэл / 2015.06.03 |
| 53 | Унгар | Дипломат, албан паспортаар 90 хоног хүртэл / 2016.05.18 |
| 54 | Япон | Дипломат паспортаар 30 хоног хүртэл / 2016.11.15 |
| 55 | Балба | Дипломат, албан паспортаар 90 хоног хүртэл / 2016.12.1, 2017.01.18 |
| 56 | Албани | Цахим дипломат, цахим албан паспорт 90 хоног хүртэл / 2017.03.30 |
| 57 | Хорват | Дипломат, албан паспортаар 30 хоног хүртэл / 2017.04.26 |
| 58 | Мальта | Дипломат, албан паспортаар 30 хоног хүртэл / 2018.02.08 |
| 59 | Литва | Дипломат, албан паспортаар 30 хоног хүртэл / 2018.04.29 |
| 60 | Швейцарь | Дипломат, албан паспортаар 90 хоног хүртэл / 2018.06.16 |
| 61 | Азербайжан | Дипломат, албан паспортаар 90 хоног хүртэл / 2019.02.07 |
| 62 | Армян | Дипломат, албан паспортаар 30 хоног хүртэл / 2019.06.02 |
| 63 | Грек | Дипломат, албан паспортаар 90 хоног хүртэл / 2020.05.10 |
| 64 | Словени | Дипломат, албан паспортаар 90 хоног хүртэл / 2021.05.21 |
| 65 | Индонез | /Албан ёсны урилгатай тохиолдолд/ Дипломат, албан паспортаар 30 хоног хүртэл / 2021.12.01 |
| БУСАД ХӨНГӨЛӨЛТ | ||
| 66 | АНУ | Монгол Улсын иргэдэд 3-10 жилийн хугацаанд олон удаа зорчих виз олгоно. 2001.07.06 |
| 67 | ИБУИНВУ | Монгол Улсын иргэдэд 1 удаа 6 сар хүртэл хугацаагаар суурьших эрхтэй, 6 сараас 10 жилийн хугацаатай олон удаа зорчих виз олгохоор, Их Британийн Дипломат паспорт эзэмшигч иргэд Монгол Улсад 30 хүртэл хоногийн хугацаанд визгүй зорчихоор харилцан тохиролцсон. 2009.06.29 |
| 68 | Канад | Монгол Улсын энгийн паспорттай иргэдэд 10 жил хүртэлх, дипломат болон албан паспорттай иргэдэд 4 жил хүртэлх хугацааны олон удаагийн виз олгоно. 2013.06.04 |
| 69 | Япон | Япон Улсын Засгийн газраас Монгол Улсын иргэдэд 3 хүртэлх жилийн хугацаатай /нэг удаа 15 хүртэлх хоног/ “Богино хугацааны олон удаагийн виз” олгох шийдвэр гаргасан. 2015.08.10 |
| 70 | Швейцарь | Монгол Улсын энгийн паспорттай иргэдэд 3-5 жилийн хугацаатай олон удаа зорчих виз олгоно. 2018.06.16 |
| 71 | Египет | Монгол Улсын иргэдэд хилийн боомт дээр виз олгоно. 2023.10.30
/виз мэдүүлэхэд паспорт, 2 хувь цээж зураг, визийн төлбөр бэлнээр, иргэний үнэмлэх, виз мэдүүлгийн маягт бөглөх шаардлагатай/ |
| 72 | Индонез | Монгол Улсын иргэдэд хилийн боомт дээр виз олгоно. 2024.01.09
/виз мэдүүлэхэд паспорт, буцах нислэгийн тийз, цахим гаалийн мэдүүлэг https://ecd.beacukai.go.id -ийг бөглөх шаардлагатай/ |
| 73 | Кени | Виз мэдүүлэх шаардлагагүй ба цахим аялалын зөвшөөрөл /еTA/ авна. 2024.01.01
/еTA-г www.etakenya.go.ke хуудсаар орж, аялахаас 14 хоногийн өмнө мэдүүлэх шаардлагатай/ |
| Бусад оронд визтэй зорчино | ||
Эх сурвалж: ГХЯ
