УИХ-ын 2024 оны ээлжит сонгуулийн санал авах ажиллагаа дууссаны дараа бүх хэсэгт саналын хуудаст хяналтын тооллого хийнэ. Бидний хэлж заншсанаар бол бүх саналын хуудсыг гараар тоолж, төхөөрөмжөөс гарсан дүнг баталгаажуулах юм.
Саналын хуудсыг гараар тоолох үйл ажиллагаа ажиглагч, хэвлэл мэдээллийн байгууллага, сонгогчдын төлөөлөлд бүрэн нээлттэй.
Саналын хуудсыг гараар тоолох ажиллагааг санал авах байранд болон зөөврийн битүүмжилсэн саналын хайрцгаар санал өгсөн сонгогчийн тоо, саналын хуудасны зарцуулалтын тооцоог ажиглагч, оролцогчдод мэдээлсний дараа нэн даруй эхлүүлж, завсаргүйгээр явуулна. Ингэхдээ саналын хайрцгаас саналын хуудсыг нэг, нэгээр гаргаж, саналын хуудаст хийсэн тэмдэглэгээг ажиглагчдад ил тод харуулж, нэр дэвшигч, нам эвсэл бүрийн авсан санал бүрийг уншиж танилцуулна.
Өмнөх сонгуулиудаар сонгогдсон хэсэгт хяналтын тооллого хийдэг байсан бөгөөд санал тоолох төхөөрөмж, гар тооллогын дүн зөрсөн удаагүй.
Эх сурвалж: СЕХ
