Бидний хөгжил хаашаа явна вэ?

 

Дэлхий ертөнц өөрчлөгдөж, улс орнууд
шинжлэх ухаанчаар асар хурдтайгаар хөгжиж байна. Харин Монгол улс хаана явна
вэ. Монголчууд яагаад дэлхийтэй өрсөлдөхийн оронд мухар сүсэгт тархиа угаалгаж
сууна вэ? Энэ талаар хэдхэн жишээн
дээр харьцуулаж харъя.

 

1.ДНХ нь
мэдэгдэж буй бүх амьд организмуудын өсөлт хөгжилт, ажиллагаанд ашиглагддаг
генетикийн заавруудыг агуулсан нуклейны хүчил юм.Жэймс Уатсон өөрийн багийн хамт
ДНХ-ийн давхар ороомог бүтцийг нээснийхээ төлөө 1962 онд Нобелийн шагналаар
авчээ.

 

 

2.Цөмийн урвалыг
хяналттайгаар удирдах замаар ажилладаг
цахилгаан станцууд өдгөө цөмийн задралын урвалаас гарах дулаанаар усыг халаан
уур болгон хувиргаж, түүгээр эрчим хүч үүсгэх аргыг ашигладаг. Одоогийн байдлаар дэлхийн нийт эрчим хүчний
13–14%-г цөмийн эрчим хүч эзэлдэг. Өнөөдөр цөмийн эрчим хүч ашиглан явдаг 150
гаруй хөлөг онгоц бий.

3.Энэтхэг
улс 2017 оны 2-р сарын 15-ны өдөр
сансарт нэг дор 104 хиймэл дагуулыг нэг тээвэрлэгчээр хөөргөн түүхэн дээд
амжилт тогтоолоо. Өмнө нь 2014 онд ОХУ нэг зөөгчөөр 37 хиймэл дагуул хөөргөж
байжээ. Уг тээвэрлэгчид гадаадын 101 жижиг хиймэл дагуулын 96 нь АНУ-ынх бол 5
нь Израиль, Казахстан, Голланд, Швейцарь болон Арабын Нэгдсэн Эмират Улсынх
ажээ. Энэтхэгийн Ерөнхий сайд Нарендра Моди тэргүүтэй хүмүүс төслийн багийнханд
баяр хүргэсэн байна.

 

 

4.Европын комисс
хүний тархитай ижил сэтгэдэг супер компьютер төслийг 2013-2023 оны хооронд
хэрэгжүүлэх гэж байна. Энэхүү \”Human
Brain Project” нь ойролцоогоор 1.19 тэрбум еврогийн үнэтэй болохоор төлөвлөгдөж
байгаа.

5.1985 онд
химичид нүүрстөрөгчийн 60 атомаас тогтсон (C60) хэлбэр дүрс нь хөлбөмбөгийн
бөмбөгтэй тун төстэй, fullerene гэж нэрлэгдэх нэгдэл гарган авчээ. Энэ
бөмбөлөгийн диаметр нь 1 нанометр бөгөөд байгальд ч элбэг байдгийг хожим тогтоосон байна. 1991
онд мөн нүүрстөрөгчийн атомыг цилиндр хэлбэрээр угсарсан нано гуурсыг (nanotube) бүтээжээ. Хэдий хэмжээний хувьд хэдхэн нано метрээр хэмжигдэх
энэ гуурс нь хамгийн хатуу, бат бөх материалд тооцогддог бөгөөд гангаас 100
дахин бат бөх, 6 дахин хөнгөн байв. (Метрийг тэрбум хуваахад нанометр үүснэ)

 

 

6.БНХАУ супер
компьютер \”Tianhe-1A”-аас 1000 дахин илүү хүчин чадалтай, орчин үеийн супер
компьютерыг бүтээхээр болжээ. Шинээр
бүтээх уг супер компьютерын загварыг 2017 эсвэл 2018 онд танилцуулах юм байна. Хятадын Ардыг чөлөөлөх армид зориулж бүтээсэн
\”Tianhe-2” компьютер нь одоогийн байдлаар дэлхийн хамгийн өндөр хурдтай супер
компьютерт тооцогддог ба дэлхийн хамгийн хүчирхэг 500 супер компьютерын
жагсаалтыг гурав дахь удаагаа тэргүүлжээ.

 

Харин Монголд! 

7.Tөв
аймгийн удирдлагууд XVII-р жарны \”Алтан унжлагат” хэмээх гал тахиа жилийн
босгон дээр уламжлал ёсоор Монголын бурхан шашны төв Гандан Тэгчинлэн хийдэд
очиж Төв сайхан нутгийнхаа ард иргэд, эрдэнэт мал сүрэг, орон нутгаа даатгуулан
ном хурууллаа.

8.2017 оны 3 сарын 5 өдрийн UBS телевиз
\”Кофе юу?, цай юу ?\” нэвтрүүлэгтээ Монголын шилдэг зөн билэгч,
\”Монгол аура” төвийн тэргүүн Б.Сарандавааг урьж оролцуулан нийслэлчүүдэд
мөнгийг цүнхээр даллахдаа хэрхэн зөв эргүүлэх мөн Баян намсрай бурхныг
тайлбарлуулав.

 

 

10.2015 онд УИХ-ын гишүүн Н.Батбаяраар ахлуулсан
ажлын хэсэг санаачлан боловсруулсан Үндсэн хуульд нэмэлт өөрчлөлт оруулах
хуулийн төсөлд, УИХ-ын 76 гишүүнийг 99 болгох заалт оруулж.
Тэрээр хэлэхдээ, Ес гэдэг бол ерөөлтэй тоо. Есөн гариг чинь
нартайгаа нийлээд арав, есөн эрдэнэ чинь газартайгаа нийлээд арав, есөн өрлөг
чинь хаантайгаа нийлээд арав гээд бүтэн болдог. Тэгэхээр 99 дээр Ерөнхийлөгчөө
нэмэхээр зуу болно, бүтэн болно гэсэн үг. Ес бол арга билгийн тоо” хэмээн
тайлбар хийжээ.

 

 

Ийм байгаа нь хэнд ашигтай талаар дараагийн
нийтлэлд оруулъя.

 

Модун Ш