С.Баяр ЭСЯ-ны ажилчдыг өмнөө суулгаж байгаад гурван цаг өөрийгөө өмөөрөв

$\"\"$

Англи хотод суугаа Монгол Улсын
иргэн Г.Ичинхорлоо тус улсад Элчин сайдаар томилогдон очсон С.Баярыг \”Монгол
Улсын төлөөлөн Элчин сайдаар ажиллахад тохиромжгүй хүн” хэмээн эсэргүүцсээр
байгаа билээ. Түүнтэй санал нэгдэх хүмүүс ч энэ эсэргүүцэлд нэгдэж, дуу
хоолойгоо өргөж байгаа.

Тэгвэл саяхан Элчин сайд С.Баяр
англи улсад амьдарч байгаа Монголчуудыгаа хүлээн авч, цаг үеэр асуудлаар
ярилцаж, мэдээлэл өгч байгаа бичлэг цахим хуудсаар цацагдсан юм. Гэвч энэ
уулзалтад англи улсад амьдарч байгаа Монголчууд гэхээсээ илүүтэйгээр Элчин
сайдын яамны ажилчид, консулын барилгыг түрээслэдэг аж ахуйн нэгжүүдийн хүмүүс
л оролцсон талаар Г.Ичинхорлоо мэдээлж байна.

$\"\"$ Тэрээр \”Лондонд өдөртөө зарласан үйл ажиллагаанд шууд
очиж оролцоод байх боломжтой хүн маш ховор. Тиймээс уулзалтад суусан хүмүүсийг
харахаар Элчин сайдын яамны ажилтнууд, ЭСЯ-ны байранд үнэгүй үйл ажиллагаа
явуулдаг Шагайн холбооныхон болон ЭСЯ-тай ажил төрлийн холбоотой Монголчуудын холбооны тэргүүлэгч болон хамтран
ажилладаг гээд хэдэн хүмүүс харагдсан. Харин бидний жагсаалд нэгдсэн гурван хүн
тэнд очсон байна лээ. Тиймээс С.Баяр гуай энэ уулзалтыг маш хурдан хугацаанд
зохион байгуулаад Монгол руу явахаар бэлдсэн байжээ гэдэг нь харагдаж байна.
Өөрөөр хэлбэл энэ уулзалт олныг болон өөрийг нь эсэргүүцэж байгаа хүмүүсийг
өргөн хамруулах боломж олгосон уулзалт байгаагүй. Бидэнд албан ёсоор өнөөдөр
уулзалт болно шүү, ирээрэй гэж нэг ч хүн хэлээгүй. Уг нь би элчингийн
ажилтантай хийж буй ажлынхаа талаар анхнаасаа тодорхой хэлж тайлбарлаж явсан.
Тэр хүн ч надад мэдэгдээгүй.

Хэрэв очсон байлаа
гэхэд бид шаардах бичгээ л өгөх байсан байх. Шаардах бичгээ амралтын өдрүүдэд
гүйцээхээр төлөвлөсөн байсан тул С.Баяр гуайн хоосон яриаг сонсох гэж очоод
хэрэггүй байсан. Тэр хүн юу ч гэж хэлсэн бид шүүгчид биш, шийдвэр гаргадаг
хүмүүс биш. Харин энэ их хөрөнгийнхөө эх үүсвэрийг албан ёсоор хууль шүүхийн
дагуу шалгуул гэсэн 1000 гаруй хүмүүсийнхээ шаардлагыг 16 дахь өдрөө жагсаж буй
мэдээллийн хамт өгөхөөр бэлтгэж байна. Анхнаасаа тавьсан шаардлага
өөрчлөгдөөгүй хэвээрээ байгаа. Харин гуравдугаар сарын 22-нд болсон
уулзалтад С. Баяр сайд өөрөө 3 цаг шахам ярьсан байна. Яриандаа охидынхоо нэр
дээрхи оффшор дансууд болон долоо биш 10 хол давсан олон үнэтэй байрны худалдан
авалт борлуулалт хийсэн талаар маш олон асуулт дагуулсан ноцтой мэдээллүүдийг
өөрийн амаар илчилсэн байна. Тиймээс энэ хүнийг Элчин сайд байх эрхгүй,
шалгуулах ёстой гэсэн бидний шаардлага эсэргүүцэл зөв болохыг дахин
баталж харууллаа. Товчхондоо энэ уулзалт зөвхөн нэг талыг барьсан, өөрийг нь
дэмжиж буй хүмүүсийн хооронд зохион байгуулсан уулзалт болж өнгөрсөн. Бидэнд
албан ёсоор мэдэгдээгүй, ажил амьдралаа зохион байгуулж очих боломж олгоогүй. Сонинд гаргасан мэдээллийг устгуулах, айлган
сүрдүүлэлт хийх гэх мэт мэргэжлийн бус үйлдлүүдийг ЭСЯ-ны зүгээс дараалан
хийсээр байна”
гэх тайлбарыг хийсэн байна.