![\"\"](http://undesten.mn/uploads/posts/2017-03/1490681815_an-1.png "\\"\\"")
Ардчилсан намын Үндэсний бодлогын хороо /ҮБХ/,
бүх шатны намын дарга нар болон төлөөллийн байгууллагын сонгууль
болж байгаатай холбогдуулан ҮБХ-ны 63-р тойрогт нэр
дэвшигч Н. Тэгшбаяр, Дорноговь аймгийн Намын даргад нэр дэвшигч Ц.
Гантулга нар АН-ын Дотоод сонгуулийн хороо нь гишүүдийнхээ сонгох, сонгогдох эрхийг онцтой зөрчиж байгаа тухай мэдээлэл хийлээ.
Нэр дэвшигчид хэлэхдээ
сонгуулийн сурталчилгааны хүрээнд хоёр удаа
сонгуулийн уулзалт зохион байгуулж зөвхөн энэ уулзалт дээрээ сурталчилгаа
хийхийг зөвшөөрч, уулзалтаас гадна сурталчилгаа хийхийг хориглосон нь АН-ын гишүүдэд мэдээлэл хүргэх, сонгох эрхэнд халдаж байгаа үйлдэл гэж үзэж байна.
Түүнчлэн нэр дэвшигчдийг намын олон мянган гишүүдтэй
уулзаж, өөрсдийгөө танилцуулах боломжгүй, мөн уулзалтыг зохион байгуулахыг
хорьсон нь дээрх
нөхцөл байдлыг үүсгэсэн гэж мэдээллээ.
Энэ үеэр ҮБХ-д нэр дэвшигч
Н.Тэгшбаяр \”АН цөөнх болсон байхад бид нар шиг залуучууд сөрөг хүчний ажлыг
хийх ёстой. Жишээлбэл төрийн албан хаагчдийг хууль бусаар хоморголон
халж байгаа, татвар нэмэгдэж байгаа тухай бид бүхэн сөрөг хүчний ажлыг хийх
ёстой. Манай намын аймаг дүүрэг, ҮБХ сонгууль болон нэг талаасаа бүх
гишүүдээс санал авч эдгээр сонгуулийг хийж байгаа нь дэвшилттэй сайн зүйл
болсон. Гэхдээ шинэчлэлийн үйл явцыг илүү сайжруулж утга төгөлдөр явуулахын
тулд дотоод ардчиллаа шинэчлэх хэрэгтэй. Жишээлбэл миний хувьд ҮБХ-д
Чингэлтэй дүүргийн 63 тойрогт нэр дэвшиж байна. 500 гаруй
нэр дэвшигчид татварт 3 сая төгрөг, дэнчинд 6 сая төгрөг төлж
өрсөлдөж байна. ҮБХ, АН үндэсний хэмжээнд ямар ажил хийх юм, бүс
нутагт ямар нөлөөтэй байх юм бэ?
Үүнийг тодорхойлох АН олонх болбол улс орныг
хэрхэн авч явах ёстой бодлого тодорхойлох ёстой хүмүүсийг
сонгоход зөвхөн 5-хан минутыг ярих боломж олгож байна. Тухайн заалныхаа хүртээмжээс
шалтгаалаад 300-400 хүнд хүрч чадаж байна. Хийсэн , хийх ажлаа
5 минутад яриад багтахгүй байна. Тэгэхээр энэ юуг харуулж байна вэ
гэвэл АН жирийн гишүүд сонгогчдын харанхуй мэдээлэлгүй байлгах, хэн
нь мэдэгдэхгүй хүнийг сонгох ийм бодлого явж байна. Намаас зохион
байгуулаагүй уулзалтыг 5-аасилүү минут хийхийг хориглоно. Хийхийн бол нэр
татна гэж байна. Энэхүү шаардлагатай санал нийлэхгүй байгаа тул намын
удирдлагууд анхааралдаа
авч нээлттэй сурталчилгаа явуулж
уулзах боломжийг шаардаж байна”гэв.
Дорноговь аймгийн АН-ын даргад ҮБХнэр
дэвшигч Ц.Гантулга” АН даргын дунд шатны сунгаа эхлээд 10 хонох гэж байна. Энэ
хугацаанд ямар нэгэн санал санаачлага ирээгүй ч явцын
дундаас гэнэт татах хасах, дүрмийн бус хууль бус дарангуйлсан хэлбэрийн олон
аймгуудад явж байна. Бид нарын сонгох сонгогдох эрхийг хасч байна.
Үндсэн хуульд заасны дагуу иргэн хүн өөрийгөө өмгөөлөх эрхтэй. Тэр эрхийг маань
хүртэл биелүүлэхгүй байна\” гэв. АН-ын дотоод сунгаа ирэх сарын 31 хүртэл
үргэлжлэх аж.
Үндэстэн агентлаг
