Владимир Путин Украины талд ямарч болзол нөхцөл тавихгүйгээр тавдугаар сарын 15-нд Истанбул хотод дайн зогсоох шууд хэлэлцээ хийхийг санал болгосон.
АНУ-ын Ерөнхийлөгч Дональд Трамп ч Кремлийн удирдагчийн шууд яриа хэлэлцээ хийх саналыг нэн даруй хүлээж авахыг Украины Ерөнхийлөгчид зөвлөж байгаа. Тэгвэл Володимир Зеленьский ирэх пүрэв гаригт Истанбул хотноо Владимир Путинтай биечлэн уулзахад бэлэн байгаагаа мэдэгдэв.
Х сүлжээнд гаргасан мэдэгдэлдээ тэрээр “Бид даваа гаригаас эхлэн бүрэн бөгөөд урт хугацааны гал зогсоох хэлэлцээрийг хүлээж байна. Дайныг сунжруулах нь утгагүй. Би Путиныг пүрэв гаригт Туркт хүлээж байх болно. Энэ удаад оросууд шалтаг хайхгүй байх гэж найдаж байна” гэжээ.
