Японы мэргэжлийн сумогийн 69 дэх их аварга Хакүхо М.Даваажаргал Японы сумогийн холбооноос гарч буй тухайгаа албан ёсоор зарлаж, хэвлэлийн хурал (2025.06.09) хийжээ.
Токиод болсон хэвлэлийн хурлын үеэр тэрбээр “Би 25 жилийн турш сумод хайртай байсан. Гэхдээ дараагийн мөрөөдлөө биелүүлэхийн тулд Японы сумогийн холбооноос гарч байна” хэмээсэн. Хакүхогийн дасгалжуулагчаар ажиллаж байсан Ёкозүна Асахифүжи хэвлэлийн хуралд хамт оролцов. Тэрбээр “Би түүнийг зогсоож чадаагүй. Үүний төлөө би сумо сонирхогчдоос гүнээ уучлалт гуйж байна” гэж хэлжээ.
Хакүхо М.Даваажаргал “Энэ спорт дэлхийд өгөх зүйл ихтэй” гэдгийг онцолж цаашид сумог дэлхийд сурталчлан таниулахын төлөө зүтгэнэ. Сумог олимпын төрөл болгохыг мөрөөдөж буйгаа хэлээд гаргасан шийдвэртээ харамсахгүй байгаагаа илэрхийлэв. Мөн 25 жилийн туршид баярлалаа гэж тэр нэмж хэлжээ.
