Александр Ван (@alexanddeer) 1997 онд АНУ-ын Нью-Мексико мужийн Лос Аламос хотод төрсөн бөгөөд түүний эцэг, эх нь хоёулаа АНУ-ын Цэргийн Нисэх Хүчний физикч мэргэжилтэй, хятад гаралтай цагаачид байжээ. Ван Лос Аламосын ахлах сургуулиа төгсөөд Массачусетсийн Технологийн Их Сургуульд (MIT) элссэн ч 1-р курсийнхээ дараа сургуулиа орхиж, стартап байгуулан ажиллах замыг сонгосон юм.
2016 онд 19 настайдаа тэрээр Люси Гуо-гийн хамтаар хиймэл оюуны сургалт, загвар боловсруулахад шаардлагатай дата шошголох, менежментийн үйлчилгээ үзүүлдэг 𝙎𝙘𝙖𝙡𝙚 𝘼𝙄 компанийг үүсгэн байгуулжээ. Энэхүү компанийн амжилтын ачаар Ван 24 насандаа дэлхийн хамгийн залуу өөрийн хүчээр хөрөнгөжсөн тэрбумтан болж байв.
Тэгвэл өнөөдөр 28 нас хүрсэн тэрээр Meta компанид албан ёсоор нэгдэхээр болжээ. 𝙈𝙚𝙩𝙖 компани 𝘚𝘤𝘢𝘭𝘦 𝘈𝘐-д 14.3 тэрбум ам.долларын хөрөнгө оруулалт хийж, компанийн 49 хувийг эзэмших болсон бөгөөд энэ хэлцлээр компанийн үнэлгээ 14 тэрбумаас 29 тэрбум ам.доллар болж өссөн байна. Уг хэлцлийн хүрээнд Ван 𝘔𝘦𝘵𝘢-ийн шинээр байгуулсан “𝙎𝙪𝙥𝙚𝙧𝙞𝙣𝙩𝙚𝙡𝙡𝙞𝙜𝙚𝙣𝙘𝙚 𝙇𝙖𝙗”-ийг удирдах болсон бөгөөд 𝘚𝘤𝘢𝘭𝘦 𝘈𝘐-ийн гүйцэтгэх захирлын албан тушаалаасаа бууж, компанийн Зөвлөлийн гишүүнээр ажиллах юм.
Харин түүний оронд UberEats-ийн үүсгэн байгуулагч Жэйсон Дрөжь түр гүйцэтгэх захирлаар томилогдоод байна.
Эх сурвалж: Bloomberg
