Зарим тусламж камер дагадаг. Зарим нь алга ташилтад дуртай. Харин зарим нь… зүгээр л чимээгүйгээр амьдрал авардаг. Энэ бол тийм тусламжийн түүх.
Нууцлаг пальтонууд
Пүрэв гаргийн өглөө Линкольн бага сургуулийн гаднах хашаан дээр 15 ширхэг өвлийн дулаан пальто өлгөөстэй байв.
Захиа байсангүй. Тайлбар ч байсангүй. Зүгээр л пальтонууд — эзнээ хүлээж буй мэт.
Сургуулийн захирал сандарч, цагдаа хүртэл дууджээ. “Хулгайн эд байж магад, эсвэл тоглоом байж мэднэ” гэж… Гэвч удалгүй үнэн ил болж эхэлсэн юм.
“Би авч болох уу?” гэж найман настай Кайла хэмээх охин дуугарчээ. Ээж нь шөнө оффис цэвэрлэж амьдардаг, пальто авч чадах мөнгө тэдэнд байгаагүй. Кайла сургуульдаа гурван цамц давхарлаж өмсөөд ирдэг байв.
Тэр ягаан өнгийн, яг өөрийнх нь хэмжээтэй пальтонд гараа хүргээд, “Би үүнийг авч болох уу?” гэж шивнэжээ.
Биеийн тамирын багш толгой дохиход, тэр пальтог авч явсан байна.
Үдийн хоолны үеэр бүх пальто алга болов. 15 хүүхэд дулаахан болов. Чимээгүй үргэлжилсэн сайн үйл дараагийн долоо хоногт 20 пальто болж өргөжив.
Дараагийнх нь 30.
Дараа нь хөнжил.
Гутал. Ороолт.
Өвөлжин, пүрэв гариг бүр.
Камер байгаагүй. Пост байгаагүй. Сурталчилгаа байгаагүй. Зүгээр л… тусламж.
Хэвлэлүүд энэ үйл явдлыг “Хашааны сахиусан тэнгэр” гэж нэрлэжээ. Гэвч энэ бүгдийг ард хэн байгаа болохыг нь хэн ч мэдсэнгүй. Гуравдугаар сар хүртэл.
Удахгүй үнэн ил болов.
Гуравдугаар сард нэгэн өндөр настай эр нас баржээ. Түүнийг Эрл Хатчинс гэдэг./71 настай/ Ганцаараа, подвалд амьдардаг байжээ.
Гэрийг нь цэвэрлэх үед хуучин хувцасны дэлгүүрүүдээс авсан зуу зуун баримт олдсон байна.
Тэр бүх тэтгэврийн мөнгөө пальто худалдан авч, шөнөөр чимээгүйхэн авчирч хашаанд өлгөдөг байжээ.
Тэрээр тэмдэглэлийн дэвтэртээ:
“Би 2004 онд хүүгээ алдсан. Тэр орон гэргүй, тусламж авахаас татгалздаг байсан. Футболк өмссөн чигээрээ даарч нас барсан. Хэрвээ пальто хашаанд өлгөөтэй байвал хэнээс ч гуйх хэрэггүй. Хэн ч ‘би ядуу’ гэж хэлэх албагүй. Зүгээр л авч болно. Нэр төртэйгээр” гэж бичжээ.
Түүх энд дуусаагүй. Тэр пальтог авсан охин одоо 16 настай. Түүний нэрийг Кайла Мартинез гэдэг. Тэрээр “Тэр ягаан пальто намайг дөрөвдүгээр ангид байх аварсан. Би Эрлтэй хэзээ ч уулзаагүй. Баярлалаа гэж хэлж ч амжаагүй” гэж сэтгэгдлээ хуваалцсан бөгөөд өнгөрсөн арваннэгдүгээр сард хүүхэд харж олсон мөнгөөрөө зургаан пальто авч, яг тэр хашаанд өлгөжээ.
Найзууд нь дагасан. Дараа нь эцэг эхчүүд. Дараа нь сургууль. Одоо хүмүүс үүнийг “Эрлийн хашаа” гэж нэрлэдэг болсон.
Өнгөрсөн пүрэв гаригт 200 пальто өлгөгджээ. Ороолт, бээлий, хөнжилтэйгээ. Хамгийн гайхалтай нь ийм “Эрлийн хашаа” Детройтод, Манчестерт, Ванкуверт бий болжээ.
Кайла үүний дараа “Би намайг даарахаас аварсан хүнтэй хэзээ ч уулзаагүй. Гэхдээ би одоо түүн шиг болж байна. Нэг пальтоор нэг хүүхдийн даарахаас аварна. Нэг нэгээр нь. Учир нь жинхэнэ тусламж чимээ гаргадаггүй. Тэр зүгээр л тэнд байдаг. Чимээгүй. Дулаахан” гэж бичжээ…
