Энэ сарын 13-ны өдөр буюу маргааш төвийн аймгуудын нутгаар, 14-нд нутгийн зүүн хагаст цас орж, цасаар шуурч ихэнх нутгаар хүйтний эрч эрс чангарахыг цаг уурын байгууллагаас мэдээллээ.
Мөн ирэх өдрүүдэд Алтайн уулархаг болон говь, тал хээрийн нутгаар салхи шуургатай байх юм байна.
2026 оны 02-р сарын 14-нөөс 2026 оны 02-р сарын 18-ныг хүртэлх цаг агаарын урьдчилсан төлөв:
Хур тунадас:
-
14-нд төвийн аймгуудын нутгийн зүүн болон өмнөд, говийн аймгуудын нутгийн хойд болон зүүн хэсэг, зүүн аймгуудын нутгийн зарим газраар,
-
15-нд Халх голын хөндийгөөр,
-
16-нд нутгийн зүүн хойд хэсгээр цас орж, цасан шуурга шуурна.
Салхи:
-
14-нд говь, талын нутгаар,
-
16, 17-нд тал, хээрийн нутгаар секундэд 14-16 метр хүрч ширүүснэ.
Агаарын температур:
-
14-нд ихэнх нутгаар,
-
15, 16-нд нутгийн зүүн хэсгээр хүйтний эрч чангарч Увс нуур болон Дархадын хотгор, Завхан, Заг-Байдраг голын эх, Идэр, Тэс, Ерөө голын хөндийгөөр шөнөдөө -38...-43градус, өдөртөө -25...-30 градус,
-
Хангай, Хөвсгөл, Хэнтийн уулархаг нутаг, Орхон, Сэлэнгэ, Хараа, Туул, Тэрэлж, Хэрлэн голын хөндийгөөр шөнөдөө -30...-35градус, өдөртөө -19...-24 градус,
-
Хангайн нурууны өвөр бэл, говийн бүс нутгийн өмнөд хэсгээр шөнөдөө -13...-18градус, өдөртөө -4...-9 градус,
-
говийн бүс нутгийн хойд хэсгээр шөнөдөө -19...-24 градус, өдөртөө -9...-14 градус,
-
бусад нутгаар шөнөдөө -24...-29 градус, өдөртөө -14...-19 градус хүйтэн байна.
-
17-нд ихэнх нутгаар хүйтний эрч суларна.
