Дэлхийн зүүний үзэл баримтлалтай намууд Улаанбаатарт чуулна

 

 

 

Мэдээллийн
эхэнд УИХ-ын гишүүн А.Ундраа\”Прогрессив Аллианс- Дэвшилтэт эвсэл”-ийн
байгууллагын танилцуулыг хийв.

УИХ-ын гишүүн А.Ундраа \”Прогрессив
Аллианс- Дэвшилтэт эвсэл” байгууллага нь Дэлхийн зүүн төвийн үзэл
баримтлалтай 130 улс төрийн намыг эгнээндээ нэгтгэсэн. Энэхүү нэгдэл нь социал демократ буюу
нийгмийн ардчилсан үзлийг түгээн дэлгэрүүлэх зорилготой эвсэл юм. \”Прогрессив Аллианс- Дэвшилтэт
эвсэл”-ийн \”Шударга, Хөгжингүй Дэлхийн Төлөөх Нийгмийн Шударга Ёс, Тогтвортой
Байдлын Асуудлууд” сэдэвт бага
хуралд Англи, Австри, Швед, Португали, Гүрж, Герман, Бельги, Малайз, Марокко,
Судан, Энэтхэг, Израиль, Палестин зэрэг дэлхийн 5 тивийн 34-н улсын
парламентын гишүүд, улс төрийн намын дарга болон удирдах түвшний ажилтнууд
оролцохоор мэдэгдсэн байна”
гэв.

Харин \”Прогрессив Аллианс\”
байгууллагын
ерөнхий зохицуулагч Константин Вайнофф \”Прогрессив
Аллианс байгууллага Монгол ардын намын урилгаар IV бага хурлаа Монгол
Улсад хоёр өдөр зохион байгуулах гэж байгаад баяртай байна. Энэ
хуралд гадаадын орнуудаас 40 гаруй төлөөлөгч оролцно.Төлөөлөгчид Монгол ирж байгаа нь Монгол Ардын намтай эв санаа нэгтэй
байна гэсэн үг юм. Монгол
Ардын нам бол зөвхөн улсдаа хүлээн зөвшөөрөгдсөн улс төрийн хүчин биш юм.
Олон улсын түвшиндПрогрессив Аллиансийн түвшинд хүлээн
зөвшөөрөгдсөн.Прогрессив Аллиансийн гишүүнээр н.Оюун-эрдэнэ сонгогдсон. Одоогоос
нэг жилийн орчмын өмнө Монгол Ардын нам маш том ялалт байгуулсан.Монгол
Ардын нам засгийн эрхийг хүлээж авсан энэ үе өмнөх засгийн газраасаа их
хүнд байна. Гэхдээ
хүнд үе байгаа ч гэсэн Монгол Ардын намд их итгэл хүлээлгэж байгаа гэдгийг тус хуралд оролцох
гэж байгаа гадаадын төлөөлөгч нар харуулж байна. МАН-ын дарга М.Энхболд бидний хүсэн
хүлээж байгаа Ерөнхийлөгчөөр
сонгогдон гэдэгт найдаж байна. Бид бага хурлын үеэр хоёр үндсэн асуудал
хэлэлцэнэ. Нэгт, Бид даяаршилын
эрин үед нийгмийн эрүүл мэндийг яаж хамгаалах вэ?Хоёрт,популизм
их гарч байгаа энэ үед нийгмийн эрүүл мэндийг хэрхэн хамгаалах гэсэн
асуудал гарч ирж байгаа юм. Монгол ардын намын төлөөлөл энэ
асуудалд ямар хувь нэмэр оруулах вэ гэдгийг тэсэн ядан хүлээж
байна.Миний хувьд Монгол Улсад ирсэндээ маш их баярлаж, найзындаа
ирсэн мэт санагдаж байна” гэлээ.

 

Түүний дараа УИХ-ын
гишүүн Д
Цогтбаатар \”Зүүн төвийн үзэл
баримтлал бол дэлхий дахинд тулгараад байгаа хэт үндсэрхэг үзэл, өөрийн зах
зээлийг бусдаас хязгаарлана. Сүүлийн
үед баялгийн шударга бус хуваарилалт зөвхөн Монголд биш дэлхий даяар байна. Шударга бус хуваарилалтыг хэрхэн зөв
хуваарилах вэ гэвэл өнөөдөр манайд зохион байгуулагдах\”Прогрессив
Аллианс\”-ийнIV бага хурал болох гэж байгаа нь их ач
холбогдолтой.
Зүүн төвийн үзэл баримтлалтай намаас Монгол улсад ардчиллын замаар явж байгааг хүндэтгэж байгаа
илэрхийлэл юм”
гэв.

\”Прогрессив
Аллианс\”-ийн IV бага хурлаар нийгмийн тогтвортой байдал, шударга ёс, хүний
эрх, эрх чөлөө, Азийн орнуудын хөгжиж буй байдал, Популизмын өсөлт-Нээлттэй
ардчилсан нийгэмд учруулах аюул, хүйсийн тэгш байдал, жендэрийн асуудал зэрэг дэлхийн
хэмжээнд тулгамдаж буй олон сорилт бэрхшээлүүдэд гарц, шийдэл олох болон
харилцан туршлага солилцох өргөн хэмжээний хэлэлцүүлэг өрнүүлэх юм гэж зохион
байгуулагч нар хэллээ.

 

Г.Нараа