Жил бүр зохион байгуулагддаг \”ШИНЭ ЭЛСЭЛТ-ШИЛДЭГ БОЛОВСРОЛ 2017” үзэсгэлэн яармаг Соёлын Төв Өргөөний Уран Зургийн Галерейн үзэсгэлэнгийн танхимд 2017 оны 7-р сарын 2-6-ны өдрүүдэд болно. Энэхүү үзэсгэлэн яармагт БСШУСЯамнаас аттестатчилагдаж, БМИҮЗөвлөлөөс магадлан итгэмжлэгдсэн дотоодын их, дээд сургууль, коллежууд, гадаадын сургуулиудын төлөөлөгчийн газрууд үйл ажиллагаагаа танилцуулж дэлгэрэнгүй мэдээлэл олгож, шинээр элсэгчдээ бүртгэнэ.
Энэ жилийн хувьд Их, дээд сургуульд элсэхээр элсэлтийн ерөнхий шалгалт 40387 суралцагч өгсөн бөгөөд үүний 87 хувь нь энэ жил ерөнхий боловсролын сургууль төгсөгч бол 16 хувь нь 2016 оны төгсөгчид юм байна.
Боловсрол, соёл, шинжлэх ухаан, спортын яамнаас гаргасан журмын дагуу их, дээд сургуульд элсэгчдийн босго оноо 400 онооноос дээш байх ёстой аж. Элсэлтийн ерөнхий шалгалтын хариу гарч өнөөдрөөс эхлэн их дээд сургуулиуд элсэлтээ авч эхэллээ. Шалгалтын оноо гарснаар элсэгчид онлайнаар бүртгүүлэх юм.
