Сураггүй болсон уулчдын дунд гэр бүлийн дөрвөн хүн бий

Энэ амралтын өдрөөр буюу
бямба гаригт Завхан аймгийн Отгонтэнгэр ууланд авиралт хийгээд буцах замдаа
цасан нурангид өртөж сураггүй алга болсон иргэдийг эрэн хайх ажиллагааг
эхлүүлээд байгаа билээ. Уг асуудлаарМонгол Улсын Шадар сайдаар ахлуулсан
Улсын онцгой комисс Төрийн ордонд өнөөдөр хуралдаж, аврах ажиллагаа зохион
байгуулж буй талаарх мэдээллийг солилцож, шаардлагатай арга хэмжээ авахыг үүрэг
болгов. 

Авирагчид хоорондоо 20-30
метр зайтай гурван хэсэг болж явж
байжээ

 ОБЕГ-ын
дарга, хошууч генерал Т.Бадрал хэлэхдээ \”Ууланд авирсан аяллын баг нийт 30
хүний бүрэлдэхүүнтэйявсан бөгөөд ууланд 27 хүн авирч, 3 жолооч бэлд
үлдсэн байна. Ингээд 27 хүнээс 10 хүн нь бууж ирсэн байна.Авирагчид 10
сарын 21-ний үдийн 16 цаг 30 минут орчимд уулын оргилд гарсан
байна.Гавъяат уулчин, уулын спортын мастер Сүрэнжав энэ багт явж байгаа
гэдэг мэдээллийг бид авсан.Авирагчид хоорондоо 20-30 метр зайтай 3
хэсэг болж явсан бөгөөд цасан нуранги үүссэнээс хойш 10 хүн бууж ирээд 3 нь
буцаж авчирч хайх оролдлого хийгээд бүтэлгүйтсэн байсан. Ингээд Саранчимэг гэх
иргэн 22-ны14:33 цагтОБЕГ-ын шуурхай удирдлагын төвд анх мэдээлэл
өгсөн.

Ингээд
сураггүй болсон 17 иргэнийг эрэн хайх ажиллагааг нэн даруй эхлүүлж ОБЕГ-ын
ГШУГ-ын дарга, хурандаа Б.Мандахгэрэлээр ахлуулсан Аврах тусгай ангийн Эрэн
хайх, аврах бүлэг, эмнэлгийн бүлэг, Нийслэлийн Аврах ангийн эмнэлгийн бүлэг,
Гэмтэл согог сэргээн заслын төв эмнэлгээс нарийн мэргэжлийн 2 эмч, 2
сувилагчийн бүрэлдэхүүнтэй баг МИ-171 нисдэг тэргээр Завхан аймгийн Отгон сумын
чиглэлд 18.00 цагт ниссэн. Яг одоо газар дээр ОБЕГ-ын тэргүүн дэд дарга,
бригадын генерал Г.Ариунбуянгаар ахлуулсан шуурхай ажлын хэсэг Завхан аймгийн
Отгон суманд ажиллаж байгаа. Эрэн хайх ажиллагааг 70 албан хаагч, 13 техник хэрэгсэлтэйгээр
Байгаль орчны улсын байцаагчийн хяналтын дор хийж байна.

Отгонтэнгэр
хайрханы бэлээс орой хүртэл явганаар 8 цаг алхаж хүрдэг. Отгонтэнгэр хайрхан нь
далайн түвшнээс 4031 метр өндөр бөгөөд ууланд авирагчид оргилоос 50 метр орчим
газарт 3 хэсэг цуваа болж явж байх үеэр цасан нуранги үүсч урд хэсэгт нь явж
байсан 17 уулчин нурангид өртөж сураггүй болоод байна. Нөхцөл байдлын талаар
Завхан аймгийн засаг дарга н.Батсайхантай холбогдож нөхцөл байдалтай
холбогдуулж үүрэг чиглэл өгсөн. Сураггүй болсон 17 хүний 5 нь эмэгтэй 12 нь эрэгтэй. Сураггүй
болсон хүмүүс нь бүгд сайн дураар ууланд алхагчдын клубт элсэн, нэгдэж алхалт
хийдэг байжээ. Сураггүй болсон хүмүүсийн \”Оргил өөд” клубээс 1 хүн,
\”Хамтдаа алхацгаая\” клубээс 1 хүн, \”Хайрхан\” клубээс 1 хүн,
\”DCI hiking\” клубээс 1 хүн, \”Sky runing\” клубээс 1 хүн
\”Сонирхогчийн клуб”-ээс 6 хүн болон бусад клубээс 6 хүн багтжээ. Сураггүй
болсон иргэдийн дунд гэр бүлийн 4 хүн бий” гэв.