Алтан бөмбөрцөг наадамд кино одод бэлгийн хүчирхийллийг эсэргүүцнэ

Удахгүй
тохиох 75 дахь удаагийн Алтан бөмбөрцөг кино наадам нь холливудын ертөнцийг
донсолгосон бэлгийн хүчирхийлэл, дарамт үзүүлсэн хэргүүд илэрснээс хойших анхны
том арга хэмжээ нь болох гэж байна. Энэхүү ёслолын арга хэмжээний улаан хивсэн
дээр кино одод хар хувцастай ирж, бэлгийн хүчирхийллийг эсэргүүцэж буйгаа
илэрхийлэх байх гэж эх сурвалжууд мэдэгдлээ. Хамгийн гол нь хөтлөгч Сед Маеэрын
арга хэмжээг эхлүүлэх монологи нь дээрх асуудалд чиглэсэн утга санаатай байх
ажээ.

 

Наадмын
хамгийн олон буюу долоон номинацид Гьюллермо дел Торогийн \”The Shape of Water” кино нэр дэвшсэн
байна. Тус кинонд тоглосон Британийн жүжигчин Сэлли Хоукинс мөн драмын төрлийн
киноны шилдэг эмэгтэй жүжигчинд нэр дэвшжээ. Харин драмын төрлийн шилдэг кино
номинацид \”Call Me By
Your Name”, \”Dunkirk”, \”The Post and Three Billboards Outside
Ebbing” болон \”Missouri” зэрэг бүтээл нэр
дэвшсэн байна. Мөн шилдэг инээдмийн кино буюу мьюзикл киноны номинацид \”The Disaster Artist”, \”The Greatest Showman”, \”Lady Bird
and I” болон \”Tonya”бүтээлүүд өрсөлдөх нь ээ.

 

АНУ-ын
инээдмийн жүжигчин Сэд Маеэрс тус кино наадам кино ертөнцийн домог болоод
байсан продьюсер Харви Вейншейн болон зарим найруулагч, жүжигчдийн нэр
холбогдож, Холливудын ертөнцөд шуугиан тарьсан бэлгийн хүчирхийллийн эсрэг анхаарал
хандуулах болов уу хэмээн таамаглаж буйгаа хэлжээ.

Түүнчлэн
Ридлей Скоттын \”All the
Money in the World”киноны жүжигчин Кристофер Пламмер драмын төрлийн шилдэг жүжигчин шагналд
нэр дэвшсэн байна. Тэрээр мөн бэлгийн дарамт үзүүлсэн хэрэгт холбогдсон
жүжигчин Кэвин Спэйсигийн оронд Жон Пол Геттигийн дүрийг бүтээсэн билээ.

Британийн
жүжигчин Хелен Миррен болон Жуди Денч нар \”The Leisure seeker”, \”Victoria
and Abdul”кинонд тоглосон дүрүүдээрээ инээдмийн болон мьюзикл төрлийн шилдэг эмэгтэй
жүжигчин номинацид нэрээ дэвшүүлсэн байна. Энэ төрөлд тэдэнтэй жүжигчин Маргот
Робби, Саойрс Ронан, Эмма Стоун нар өрсөлдөх аж.

Түүнчлэн
наадмын драм төрлийн киноны шилдэг эрэгтэй жүжигчин шагналд Британийн жүжигчин
Гэри Олдмэн \”Darkest Hour” киноны Винстон
Черчилийн дүрээрээ нэр дэвшжээ. Түүнтэй жүжигчин Тимоти Чаламет, Даниэль
Дэй-Льюис, Том Хэнкс, Дензел Вашингтон нар өрсөлдөх юм байна.

Харин
инээдмийн болон мьюзикл төрлийн киноны шилдэг эрэгтэй жүжигчин шагналд Даниэль
Калуюа, Стив Каррель, Ансел Элгорт, Жеймс Франко, Хью Жэкман нар нэр дэвшсэн
байна.

Алтан
бөмбөрцөг наадмын телевизийн төрөлд олгох номинациудад жүжигчин Николь Кидман,
Роберт Де Ниро нар нэр дэвшиж байгаа юм. \”Big
Little Lies”
цувралын дүрүүдээрээ Николь Кидман, Рийз Витерспүүн нар шилдэг эмэгтэй
жүжигчин шагналд нэрээ дэвшүүлжээ. \”Big
Little Lies”
цуврал нь хамгийн олон буюу зургаан номинацид нэр дэвшиж буй телевизийн
цуврал юм. Де Ниро \”The
Wizard of Lies”, Жуд Ло \”The
Young Pope and Geoffrey Rush for Genius” цувралын дүрүүдээрээ
шилдэг эрэгтэй жүжигчин номинацид өрсөлдөх гэнэ. Тэдэнтэй жүжигчин Эван
МакГрегор, Кайл МакЛаклан нар өрсөлдөнө.

Холливудын
Гадаад хэвлэлийн холбооноос зохион байгуулж буй Алтан бөмбөрцөг наадам нь ирэх
гуравдугаар сарын дөрөвний өдөр болох Оскарын наадмын шилдгүүдийг тодорхойлоход
чухал үүрэг гүйцэтгэнэ хэмээн эх сурвалжууд онцолж байна.

Б.Болормаа