![\"\"](http://undesten.mn/uploads/posts/2015-11/1447299378_24732895643f5f8d420471.jpg "\\"\\"")
Алдарт \”Ромео & Жульетта” жүжиг маргааш орой Улсын драмын эрдмийн театрын тайзнаа тоглогдох гэж байна. Тэгвэл эмэгтэй жүжигчин бүрийн нууцхан мөрөөдөл болсон Жульеттагийн дүрийг залуу уран бүтээлч О.Дөлгөөнд найруулагч Н.Наранбаатар олгосон билээ. Залуу жүжигчин ч энэ том боломжийг алдахгүй хэмээн дүрээ авсан цагаасаа О.Дөлгөөн биш Жульетта хэмээн өөрийгөө төсөөлж амьдрах болсон гэдгээ ч хэвлэлийнхэнд хэлээд амжсан. Тэгвэл том боломж хүртсэн жүжигчин бүсгүй дүрийнхээ бэлтгэлийг базаагаад тун завгүй яваа гэнэ.
Харин энэ зуур \”Жульетта нүүр будалтаа” найзууддаа сонирхуулаад амжжээ. Түүний хувьд \”Жульетта нүүр будалтаа” өдөр бүр олон янзаар хийж үзэж байгаагийн нэг хувилбар нь энэ юм байна. Энэ цагийн Жульеттагийн нүүр будалт, мэйк апыг Солонго гэх бүсгүй хийжээ.
