Юнивишн,Скаймедиа компаниуд оюуны өмчийг дээдэлдэг үү?

 

IPTV гурвалсан үйлчилгээний Юнивишн болон
Скаймедиа компани өөрсдийн цахим хуудаснаа \”Монгол ТV” телевизийн албан хүсэлт,
шаардлагын дагуу тус телевизийн хөтөлбөрүүдийг ухрааж, зогсоож, дахин эхлүүлэх
боломжгүй болсон  мэдэгдлийг өчигдөр  гаргасан.

 

 

Харин \”Монгол TV” телевизээс хариуд нь\”IPTV
үйлчилгээ болон түүний нэмэлт үйлчилгээ болох ухраах, зогсоох, нөхөж үзэх
үйлчилгээ нь Монгол телевизийн үзүүлдэг үйлчилгээ биш бөгөөд энэхүү үйл
ажиллагаанд ямар нэгэн байдлаар хамааралгүй болно. Үзэгч таны уг үйлчилгээнд
зориулан төлдөг төлбөрөөс Монгол телевиз нэг ч төгрөг хүртдэггүй болно. Иймд
хэрэглэгч танд уг үйлчилгээтэй холбоотой санал гомдол байвал өөрийн гэрээт IPTV
оператортойгоо (Юнивишн, Скаймедиа) холбогдож санал гомдлоо илэрхийлнэ үү.

 

 

Оператор компаниуд нь үндэсний телевизийн контент
үйлдвэрлэгчдийн бүтээлийг гадаадын оюуны өмчийн бүтээлийг үнэлдэг жишгийн дагуу
үнэлэн, үзэгчдийн төлдөг төлбөрийг харилцан ашигтай, зохистой хувь хэмжээгээр
дотоодын телевизүүдтэй хуваалцаж эхэлсэн нөхцөлд ухраах, зогсоох, нөхөж үзэх
үйлчилгээг хэвийн үргэлжлүүлэх боломж бүрдэх юм” гэсэн хариу тайлбар хийсэн.

Бид сард IPTV-гээр дамжуулан Монголд үйл ажиллагаа
явуулж буй телевизийн сувгуудын хөтөлбөрүүдийг ухраах, зогсоох, дахин
эхлүүлэх үйлчилгээнд 3000 төгрөг тогтмол төлдөг. Юнивишн болон
Скаймедиагийн хэрэглэгчдийн тоо жил ирэх бүр нэмэгдэж байгаа. Телевиз бүрийн
цаана хэдэн мянгаар яригдах уран бүтээлчид, баг хамт олон өдөр шөнөгүй ажиллаж
контент бүтээж, үүнийгээ шударга өрсөлдөөний зарчмаар үзэгчдэд хүрдэг.
Телевизүүд бол үйлдвэрлэгч. Харин IPTV бол үйлдвэрлэгчийн бүтээгдэхүүнийг
дамжуулагч. Гэсэн ч манайдаа тэргүүлэгч хоёр компанийн IPTV-гээр дамжуулж олон
мянган хэрэглэгч үйлдвэрлэгчийн бүтээгдэхүүнийг хүлээн авч байгааг бүгд мэднэ.
Үйлдвэрлэгч заавал IPTV-гээр дамжуулахгүйгээр хэрэглэгчид бүтээгдэхүүнээ хүргэх
боломж бий. Гэхдээ хэрэглэгчид гурвалсан үйлчилгээ бүхий хамгийн боломжит
хувилбарыг санал болгодог учраас хэрэглэгчид чанартай үйлчилгээг авахыг л
сонгосон. Гэтэл өнөөдөр хэрэглэгч хүссэн
үедээ авах эрхээ хязгаарлуулж байна.

Энд хэн хохирч байна хэрэглэгчид хохирч байна. Сар бүр
хамгийн багадаа 29 мянган төгрөгийн суурь хураамж төлж байгаа хэрэглэгч
чанартай бүтээгдэхүүн авах эрхээ хязгаарлуулж, хохирох ёсгүй.Үзэгчид цахим хуудаснаа ухрааж үзэх хураамжийн 1500 төгрөгийнхөө хариуд киногоо үзмээр байна гэсэн сэтгэгдлийг бичиж байна.

 

 

Скаймедиа болон Юнившин компанийн албан ёсны
бүтээгдэхүүнийг хэрэглэгч худалдан авах бүрт \”Энэхүү контент нь оюуны
өмчийн зөвшөөрөлтэй, албан ёсны эрхтэйгээр танд хүрч байна”гэсэн тайлбар
гардаг. Энэ тайлбар бодит байдалтай нийцэж байна уу. Юнивишн,Скаймедиа компаниуд оюуны өмчийг дээдэлдэг үү?