ОХУ-ын Ерөнхий сайд Дмитрий Медведев өчигдөр Пёнчаны Өвлийн Олимпийн наадамд медаль хүртсэн тамирчиддаа цоо шинэ BMW загварын автомашинуудыг гардуулжээ. Оросын тамирчид энэ удаагийн өвлийн олимпоос нийт 17 медаль зүүсний 2 нь алт, 6 нь мөнгө, 9 нь хүрэл медаль байжээ.
Алтан медальтнууд BMW X6, мөнгөн медальтнууд BMW X5, хүрэл медальтнууд BMW X4 автомашины түлхүүр хүлээн авсан байна.
Мөн ОХУ-ын Ерөнхийлөгч Путин өчигдөр тамирчиддаа төрийн одон медаль гардуулсан юм. Тэрээр хамгийн эхэнд уран гулгалтын 2 тамирчнаа дуудав.
