Эх нялхсын нярайн эргэлтийн үүдний хэсгийг тохижуулах сайн үйлсийн аян энэ гуравдугаар сарын 2-ноос эхэлсэн. Энэхүү аяныг өрнүүлэх санаачлагыг “Сайн аав” УСК-ны ерөнхий продюсер С.Чулуунтогтох эхлүүлсэн. Сайн үйлсийн аян эхэлсэн өдрөөс иргэд идэвхтэйгээр гар бие оролцон ажил амжилттай явагдаж байна. Засварлан тохижуулж буй сайн үйлсийн ажлаа удахгүй болох Олон Улсын Эмэгтэйчүүдийн баярын өдрөөр хийж дуусгахаар төлөвлөж байгаа аж. Одоогоор “H.E dream house” болон, 2 дугаар цахилгаан станцын хамт олон аянд оролцож ажлын хэсгээс хийн тусалсан байна.
Ингээд энэхүү аяныг өрнүүлэх санаачлага гаргасан “Сайн аав” УСК-ны ерөнхий продюсер С.Чулуунтогтохтой ярилцлаа.
-Эх хүүхдийн эрүүл мэндийн төвийн эргэлтийн 8 дугаар хаалганы үүдний хэсгийг залуус сайн дураар засварлаж байгаа. Нийтдээ хэчнээн хүн ажиллаж байна вэ?
-Одоогийн байдлаар зургаа орчим хүн ажиллаж байна. Гэхдээ дандаа сайн дурын хүмүүс болохоор нэг өдөр ажиллах эсвэл хоёр цаг л зав цагаа зарцуулаад явж байгаа. Ардаа ажил төрөлтэй хүмүүс голдуу ирж зав зайгаараа туслаж байна. Саяхан амралтын өдрөөр залуус нэлээд бужигналаа. Хүн хүч бол хэрэгтэй байна.
Мөнгө нь бол хараахан хүрэхгүй байх, гэхдээ олны хүч, сэтгэл байхад болно доо
-Эмнэлэгийн эргэлтийн хаалга засварлах санал санаачлагыг та анх гаргасан. Таныг энэ саналыг гаргахад хүмүүс хэр дэмжсэн вэ?
-Би гурван хүүтэй. Анхны хүүгээ найман жилийн өмнө, дунд хүүгээ дөрвөн жил гарны өмнө Эх нялхасаас өлгийдөн авч байлаа. Тэр үед ч энэ эргэлтийн орц ийм л байсан. Энэ төмөр сандлыг мэдэхгүй ч хүн байхгүй. Ялангуяа Баянголчууд. Бид үүнийг хамтдаа засаад сэргээгээд хүүхэд эхчүүдээ эрүүл сайхан газраар эргэж байя л даа гэж бодоод Эх нялхасын нярайн эргэлтийн үүдний хэсгийг тохижуулж засварлах санаачлагыг би гаргаад фэйсбүүк дээрээ тавьж хандивын аян эхлүүлсэн. Хүмүүс туслая нэгдэe гээд маш их урам өгсөн. Тэгээд л зориг орж эхлүүлсэн дээ. Тусалж дэмжсэн хүмүүсээрээ чат групп үүсгэсэн. Мэдээллээ солилцож байгаад бид ажлаа эхлүүлсэн.
-Ажил одоо хэн хувьтай явж байна. Засварын ажилд ойролцоогоор хэдэн төгрөг орж байна?
-Эх нялхсын нярайн эргэлтийн үүдний хэсэгт үнэхээр олон жил гар хүрээгүй байсан. Засвар нэлээн шаардлагатай байсан. Хандивын мөнгө 1 сая 800 мянган төгрөг болсон. 20 гаруй шуудай замаск, 8 орчим том эмүльс, лаак, плита, тааз гээд овоо матeриал шаардаж байгаа. Мөнгө нь бол хараахан хүрэхгүй байх, гэхдээ олны хүч, сэтгэл байхад болно доо.
Манай аянд нэгдэж байгаа хүмүүүсээс хамгийн эх сэтгэл татмаар нь тав, зургаахан настай бяцхан хүүхдүүд
-Урлаг соёлын хүмүүсээс энэ аянд нэгдэж байна уу?
-Нэгдэж байгаа. МУГЖ Ш.Алтанцэцэг, ард түмэндээ “Хэцүү анги” киноны Сүнжид багшийн дүрээрээ танигдсан СТА М.Саранцэцэг нар нэгдсэн. Үүнээс гадна А.Тэгшбаяр, Түвшин гэх хоёр залуу замаск хийн шөнөжин ажилласан.
Манай аянд нэгдэж байгаа хүмүүүсээс хамгийн эх сэтгэл татмаар нь тав, зургаахан настай бяцхан хүүхдүүд юм. Тэд ирээдүйдээ машин авахаар хуримтлуулж байсан 2250 төгрөгөө дугтуйнд хийн түүн дээрээ будаг аваарай гэж бичин авчирч өгсөн. Аянд нэгдэж байгаа хүмүүсийн тоо нэмэгдсээр байгаа. Чухал амжилт сургалтын төвөөс амжилт хүссэн торт илгээсэн байна. Сайн үйлсийн аянд нэгдэн хөлсөө дуслуулж буй залуус мөнгөнөөс гадна бидний хийж байгаа ажилд өөрсдийн биеэр тусалж дэм болбол их сайн байна.
-Засварын ажил хэзээ дуусах вэ?
-Ажлын явц 50 хувьтай явж байгаа. Одоо тохижилтын ажил хийгдэнэ. Эмүльс, плита, зураг, зурах, лакдах гээд ажлууд хийгдэнэ. Мөн үүдний хаалгыг засахгүй бол болохгүй юм байна лээ. Өнөөдөр сандал хийж өгнө гэсэн хүн маань ирээд сандлаа хийх гээд байж байна. Бид мартаас өмнө амжуулах бодолтой байна.
Эмнэлгийн удирдлагууд камeржуулаад ариг гамтай ашиглана гэдгээ амласан
-Эмнэлгийн удирдлагууд та нартай уулзсан уу?
-Анх засахдаа л холбогдох удирдлагатай нь уулзсан. Үнэхээр бас засах боломж ямар байгаа тухай ярьсан бас хэцүү л дээ. Эм тариагаа бүрэн хангаж чадахгүй шахуу газар засвар хийнэ гэдэг бүүр л хэцүү байгаа. Бид засаад өгьe гэхэд үнэхээр баяртай хүлээж авч байна лээ. Харин засаад хүлээлгэж өгөхдөө цаашид сайн харж, хандаж урсгал, засал цаг тухайд нь хийж байх үүрэг хүлээлгэнэ дээ. /Инээв/ Эмнэлгийн удирдлагууд камeржуулаад ариг гамтай ашиглана гэдгээ амласан.
Н.Алтанцэцэг
