2018-2019 оны хичээлийн жилд Оросын Холбооны Улсын холбооны төсвийн хөрөнгөөр оросын их дээд сургуулиудад элсэн суралцах горилогчдын онлайн бүртгэл үргэлжилж байна.
Сонгон шалгаруулалтанд Монгол Улсын иргэн, Монгол Улсад байнга оршин суугаа оросын эх орон нэгтнүүд оролцох эрхтэй.
ОХУ-ын ГХЯ, Боловсрол, шинжлэх ухааны яам, Россотрудничество агентлагийн баталсан 2018/2019 оны хичээлийн жилд Оросын Холбооны Улсад холбооны төсвийн хөрөнгөөр суралцах гадаадын иргэн, харьяалалгүй хүн хийгээд гадаадад амьдарч буй эх орон нэгтнүүдийг элсүүлэх Төлөвлөгөөний дагуу Оросын Холбооны Улсын Засгийн Газраас Монгол Улсад нийт 500 хуваарь ирүүлсэн байна.
Оросын Холбооны Улсын гаргаж ирүүлсэн хуваарийн хүрээнд Монгол Улсын Боловсрол, соёл, шинжлэх ухаан, спортын яамнаас 2018/2019 оны хичээлийн жилд санал болгосон элсэлтийн нарийвчилсан төлөвлөгөө (нийт 65 хуваарь)
1-р хүснэгт
“Эрүүлийг хамгаалах ба анагаах ухаан” 30.00.00-34.00.00 гэсэн мэргэжил (бэлтгэх чиглэл, мэргэжил)-ээр суралцуулах сонгон шалгаруулалтыг явуулахдаа Орос Улсын Эрүүл мэндийн яаманд харъялагдах оросын боловсролын байгууллагуудын боломжийг харгалзах тул энэ мэргэжлүүдийн тухай мэдэллийг жич гаргаж өгнө.
Элсэлтийн төлөвлөгөөнд нарийвчлагдаагүй үлдсэн хуваарийг http://russia.study/ системээс мэргэжил (нарийвчилсан төлөвлөгөө дурдсан мэргэжлэс бусад)-ээ сонгож уг порталд бүртгэгдсэн горилогчдын хүсэлтийг харгалзан хуваарилна.
ГОРИЛОГЧДЫГ СОНГОН ШАЛГАРУУЛАХ ШАЛГУУР ҮЗҮҮЛЭЛТҮҮД
– итгэл даах эсэх (тухайн улсын үндэсний хууль тогтоомжоор гэмт хэрэг үйлдээгүй, оноосон ял шийтгэлгүй байх ба бусад хүчин зүйл);
– элсэлтийн нэгдсэн операторын эрх бүхий төлөөлөгчөөс горилгчтой хийсэн хувийн ярилцлагын үр дүнгээр гэр бүлийн байдлыг харгалзан өгсөн сайн тодорхойлолттой байх;
– орос хэлийг эзэмшсэн түвшин, Оросын Холбооны Улсын хууль тогтоомжийн үндэс, Орос Улсын төрийн байгуулалт, улс төрийн удирдлагын хэлбэр зэргийн тухай мэдлэгтэй эсэх;
– горилогчийн амьдарч байсан улсын боловсролын байгууллага дахь сурлага (боловсрол)-ын байдал;
– оросын боловсролыг түгээн дэлгэрүүлэх төрийн бодлогыг хэрэгжүүлэх зорилгоор эрх бүхий байгууллагаас зохион явуулсан олимпиадуудын шагналтан болсон эсэх;
– хилийн чандад оросын боловсролын байр суурийг бэхжүүлэхэд чиглэгдсэн Россотрудничество агентлагийн үйл ажиллагааны хүрээнд зохион явуулдаг бусад арга хэмжээнд оролцсон байдал;
– тухайн горилгч нь гадаадад амьдарч байгаа эх орон нэгт мөн гэдгийг хүлээн зөвшөөрсөн байх;
– идэвхи санаачлагатай байх чанар (тухайлбал олон нийтийн ажил, Россотрудничество агентлаг, хилийн чандад ажиллаж байгаа дипломат, консулын хийгээд оросын бусад байгууллагуудын зохион явуулсан арга хэмжээнд оролцох, Оросын Холбооны Улс, Оросын төрийн байгууллага болон түүний харъяа байгууллагуудын зүгээс зохион байгуулсан эрдэм шинжилгээ, боловсрол, соёл, спорт, аялал жуулчлал ба бусад арга хэмжээ (уралдаан, семинар, симпозиум, их наадам гэх мэт)-нд оролцох, эрдэм шинжилгээний хийгээд нийтлэлийн идэвхи гаргаж ажиллах гэх мэт ;
– Оросын Холбооны Улсын найрамдалт харилцааг бэхжүүлэх, дэлхийд Орос Улсын эерэг дүр төрхийг төрүүлэхэд чиглэгдсэн улс төрийн үйл ажиллагаанд идэвхтэй оролцох;
– төлбөрийн чадвар (Оросын Холбооны Улс, бусад улс оронд очсон байдал, өөрийн орны эдийн засгийн амьдралд хэрхэн оролцсон эсэх гэх мэт);
– шаардлагатай бүх баримт бичгийг зөв, шуурхай, цаг тухайд нь бүрдүүлэх чадвартай байх.
Сонгон шалгаруулалтыг хоёр үе шаттай явуулна. Үүнд:
нэгдүгээр үе шатыг гадаад улсад суугаа оросын байгууллагууд явуулна (ОШУСТ);
хоёрдугаар үе шатыг нэгдүгээр шатанд сонгогдсон гадаадын иргэдийг суралцуулхаар авах сонирхол бүхий оросын боловсролын байгууллагууд явуулна.
Сонгон шалгаруулалтын нэгдүгээр үе шат
ПОРТФОЛИО ШАЛГАРУУЛАЛТ
ОШУСТ, 2018.02.28 – 2018.03.17 (13 00 хүртэл)
ПОРТФОЛИО ШАЛГАРУУЛАЛТ ОРОЛЦОХЫН ТУЛД
I. 2018.02.14 – 2018.03.17- суралцах хүсэлтэй горилогч мэдээллийн http://russia.study/ системд орж бие даан бүртгүүлэх.
Бүртгэлийн тухай тайлбар:
Системд орж өргөдлийг бөглөж Монгол Улсын Боловсрол, соёл, шинжлэх ухаан, спортын яамнаас санал болгосон мэргэжлийн жагсаалтаас сонгож авсан мэргэжилээ бичнэ. Шифрын эхний хоёр тоо нь мэргэжлийн томсохсон бүлгийг заана (хүснэгт 1-ийг үз). Суралцах чиглэл, мэргэжлийн дэлгэрэнгүй мэдээлэлийг http://www.russia-edu.ru сайт дээр байршуулсан болно.
Горилогчийн портфолиог бүрдүүлэхийн тулд дараах баримт бичгийг чанартай сканирдач (бүх хуудас, бүлгүүд тод, унших боломжтой байх!) хавсралтаар оруулах. Үүнд:
1. Гэрэл /цээж/зураг
2. Иргэний үнэмлэх эсвэл гадаад паспорт (байгаа бол)-ын орос хэлэнд хөрвүүлсэн скан хуулбар. Паспортын хүчинтэй байх хугацаа нь Оросын Холбооны Улсад орж ирснээс хойш 18 сараас доошгүй байх ёстой, өөрөөр хэлбэл дор хаяж 2020 оны 3-р сарын 1 хүртэл хүчинтэй байх ёстой.
3. Орос хэлэнд хөрвүүлсэн боловсролын гэрчилгээний хуулбар. Үүнд:
бүрэн дунд боловсролын аттестат (сургууль төгссөн горилогчийн хувьд);
бакалаврын диплом (магистрт элсэх горилогчийн хувьд) ;
магистрын диплом (аспирантурт элсэх горилогчийн хувьд).
4. Төгсөх ангийн горилогчийн хувьд захиралын гарын үсэг бүхий сурлагын дүн (12-р ангийн 1-р хагас жилийн дүн)-г сурагчийн хувийн хэргийн хуулбартай хавсрагах. ОШУСТ-д бүртгүүлсэн эсэхийг баталгаажүүлсан бол сурагчийн хувийн хэрэгт тусгасан сурлагын дүнг гаргаж өгөх
5. Оросын боловсролын стандартаар ажиллаж байгаа сургуулиудын төгсөх ангийн сурагчийн 10-р ангийн сүүлийн аттестачлал бүхий сурлагын дүн, 11-р сангийн 1-х хагас жилийн сурлагын дүнг гаргаж өгөх
6. Бакалаврын сүүлчийн курст суралцаж байгаа горилогчийн хувьд анкетанд их дээд сургуулийн ректорын гарын үсэг бүхий сурлагын дүнг хавсрагах.
7. 1, 2-р курсын оюутнуудын хувьд анкетанд сургалт хариуцсан хэлтсийн тамгаар баталгаажуулсан сурлагын тодорхойлолт (дундаж балл 3,0-аас доошгүй байх) болон бүрэн дунд боловсролын аттестатын хуулбарыг хавсрагах.
8. Оросын их, дээд сургуулиудын бэлтгэл ангид гэрээгээр суралцаж байгаа оюутнуудын хувьд- орос хэл, суурь хичээлийн дүнг харуулсан 1-р семестрийн сурлагын тодорхойлолт (суралцах чиглэлээр нь: хүмүүнлэгийн, техникийн, анагаах ухааны, эдийн засгийн гэх мэт) болон орос хэлэнд хөрвүүлсэн бүрэн дунд боловсролын аттестатын хуулбарыг хавсрагах.
9. Аспирантын хөтөлбөрөөр элсэж байгаа горилогчийн хувьд:
Эрдэм шинжилгээний бүтээлийн жагсаалт бөгөөд бүртгэлийн яг энэ шатанд суралцах чиглэлд тохирсон сэдэв бүхий реферат хавсрагах.
10 . 2017/2018 оны хичээлийн жилд орос хэлний бүсийн ба Улсын олимпиад хийгээд математик, химийн олимпиадын ялагчид гэрчилгээний хуулбарыг хавсрагаж, эх хувийг ОШУСТ-д баталгаажуулах зорилгоор өгөх.
11 . Тусгай дунд боловсролтой болох горилогчийн хувьд гадаад паспортын орчуулагдсан скан хуулбар, аттестат буюу сайн дүн бүхий сурлагын тодорхойлолт
12. Орос хэлний Зуны сургалтанд хамрагдах горилогч (орос хэлний багш сурган хүмүүжүлэгч, монголын их дээд сургуулийн орос хэлний ахлах ангийн оюутан)-ийн хувьд дээд боловсролын дипломын хуулбар, орос хэлэнд хөрвүүлсэн ажлын газрын буюу сургуулийн тодорхойлолтыг хавсрагах. Орос Улсад муралцахад эрүүл мэндийн хувьд харшлах зүйлгүй эмэхийг нотолсон эмнэлэгийн баримт бичиг (эмнэлэгийн тодорхойлолт У-086 маягтаар), мөн хүний дархлал хомсдлын вирусын халдвар (ХДХВХ), ДОХ-ын өвчингүй болохыг баталгаажуулсан эмнэлэгийн баримт бичиг байх шаардлагатай.
Зуны сургалтын программд орос хэлний мэдлэггүй сонсогчийг суралцуулах тухай тусгаагүй болохыг анхаарна уу. А.С. Пушкины нэрэмжит Орос хэлний улсын дээд сургуулийн Зуны сургуулийн программтай ОШУСТ-ийн сайиын http://mng.rs.gov.ru/ru/news/24450 Мэдээ гэсэн хэсэгт орж танилцах боломжтой.
«Орос хэлний мэдлэгтэй болохыг нотолсон баримт бичиг» гэсэн зүйлд орос хэлийг хаана, хэзээ, ямар хугацаанд сурсан тухай мэдэлэл (чөлөөт хэлбэрээр); орос хэлний дамжаанд суралцаж төгссөнийг нотлох гэрчилгээний хуулбар эсвэл одоо суралцаж буй дамжааны 1-р семестрийн сурлагын дүн бүхий тодорхойлолт; Оросын шинжлэх ухаан соёлын төвөөс олгосон орос хэлний олимпиадын ялагчийн гэрчилгээний хуулбар зэргийг тусгасан байх ёстой.
II. ОШУСТ, 2018.02.28 – 2018.03.17 1300
2018 оны 3-р сарын 17-нд болох бүртгэл, бүртгэлийн баталгаажуулалт 13.00 цагт дуусна.
Хүлээн авах цаг:
3-р сарын 1-ээс 16-ийг дуустал: даваа-баасан 1000 –аас 1700 хүртэл
3-р сарын 17-нд 1000 –аас 1300 хүртэл
Бямба -10.00-оос 16.00 хүртэл, завсарлага 13.00-аас 13.30 хүртэл
3-р сарын 8, 9- амралтын өдрүүд
Мэдээллийн системд дурдсан бүх баримт бичгийг цаас дээр буулгаж мэдээллийг шалгуулах зорилгоор элсэлтийн комисст дараах хаягаар ирүүлэх: Монгол Улс, Улаанбаатар хот, 12-р хороолол, Токиогийн гудамж, 39 байр, 13 тоот өрөө.
III. ПОРТФОЛИО ШАЛГАРУУЛАЛТ
ОШУСТ, 2018 оны 3-р сарын 17, 18 – горилогчдын портфолио шалгаруулалтын дүнг гаргах
Горилогчдыг портфолио шалгаруулалт, голлох хичээлийн шалгалт, орос хэлний шалгалт зэргийг үндэслэн шалгаруулна.
1. Техникийн чиглэлээр элсэн суралцах горилогчид математик, орос хэлний шалгалт өгнө (бичгээр)
2. Химийн чиглэлээр элсэн суралцах горилогчид хими, орос хэлний шалгалт өгнө (бичгээр)
3. Хүмүүнлэгийн мэргэжилээр элсэн суралцах горилогчид орос хэлний ярилцлага шалгалтанд орно
IV. 2018 оны 3-р сарын 18 – портфолио шалгаруулалтанд тэнцэж математик, хими ба орос хэлний шалгалтанд орох горилогчдын нэрсийг ОШУСТ-ийн http://mng.rs.gov.ru сайт дээр НИЙТЛЭХ.
V. 2018 оны 3-р сарын 19 – портфолио шалгаруулалтанд тэнцэж техникийн мэргэжилээр суралцах хүсэлтэй горилогчид математик, орос хэлний шалгалт өгөх, энэ нь техникийн мэргэжлээр Магистрын программаар суралцах хүсэлтэй горилогчид адил хамаарна (ШАЛГАЛТ ӨГӨХ ОГНОО, БАЙРНЫ ТУХАЙ МЭДЭЭЛЛИЙГ RUSSIA.STUDY МЭДЭЭЛЛИЙН СИСТЕМЭЭР ДАМЖУУЛЖ ОШУСТ-ИЙН http://mng.rs.gov.ru/ САЙТ, МЭДЭЭЛЛИЙН САМБАРТ БАЙРШУУЛНА)
VI. 2018 оны 3-р сарын 20- портфолио шалгаруулалтанд тэнцэж химийн мэргэжилээр суралцах хүсэлтэй горилогчид хими, орос хэлний шалгалт өгөх(ШАЛГАЛТ ӨГӨХ ОГНОО, БАЙРНЫ ТУХАЙ МЭДЭЭЛЛИЙГ RUSSIA.STUDY МЭДЭЭЛЛИЙН СИСТЕМЭЭР ДАМЖУУЛЖ ОШУСТ-ИЙН http://mng.rs.gov.ru/ САЙТ, МЭДЭЭЛЛИЙН САМБАРТ БАЙРШУУЛНА)
VII. 2018 оны 3-р сарын 21- ОШУСТ-ийн http://mng.rs.gov.ru/ru сайт дээр математик, хими, орос хэлний шалгалтаа амжилттай өгсөн горилогчдын нэрсийг НИЙТЛЭХ.
VIII. 2018 оны 3-р сарын 21- Хүмүүнлэгийн мэргэжилээр элсэн суралцах горилогчид орос хэлний ярилцлага шалгалт өгөх
IX. 2018 оны 3-р сарын 22 – математик, хими ба орос хэлний шалгалтаа амжилттай өгч тэнцсэн бөгөөд бүртгүүлэхдээ анкетанд эзэмших мэргэжлийн программаар, өөрөөр хэлбэл шууд 1-р курст сууралцахаар заасан горилогчидтой ярилцах, тэд орос хэлний түвшин тогтоох зорилго бүхий ярилцлагад оролцохгүй ! Мөн математикийн шалгалтаа амжилттай өгч тэнцсэн магистрт суралцах горилогчидтой ярилцах. Оросын стандартаар сургалтаа явуулдаг сургуулийн төгсөгчид буюу сурч байгаа горилогчид ярилцлагад оролцохгүй!
X. 2018 оны 3-р сарын 23 ОШУСТ-ийн http://mng.rs.gov.ru сайт дээр орос хэлний шалгалтаа амжилттай өгсөн Хүмүүнлэгийн мэргэжилээр суралцах хүсэлтэй горилогчдын нэрсийг НИЙТЛЭХ.
XI. 2018 оны 3-р сарын 24- аспирантур, ординатурын программаар элсэх хүсэлтэй горилгчид ярилцлага шалгалт өгөх
XII. 2018 оны 3-р сарын 25- урлагийн мэргэжилээр элсэн суралцах горилогчид орос хэлний ярилцлага шалгалт өгөх
XIII.2018 оны 3-р сарын 26-27- сонгон шалгаруулалтын дүн гаргах, ОШУСТ-ийн http://mng.rs.gov.ru/ сайт дээр горилогчдын нэрсийг нийтлэх, ОШУСТ-ийн мэдээллийн самбар дээр шалгаруулалтанд тэнцсэн горилогчдийн нэрсийг байршуулах.
XIV. 2018 оны 3-р сарын 26-31 – Сонгон шалгаруулалтанд тэнцсэн горилогчдын хамт мэдээллийн RUSSIA.STUDY системд оруулах бүртгэлийг бэлтгэн бүрдүүлэх. (2-р шатны шалгаруулалтанд бэлтгэх баримт бичгийн жагсаалтыг дор үзнэ үү)
XV. 2018 оны 4-р сарын 01-Сонгон шалгаруулалтанд тэнцсэн горилогчдын нэрсийн
жагсаалтыг Россотрудничество агентлаг руу явуулах.
Портфолио шалгаруулалтанд балл нь тооцогдох мэргэжлийн чиглэлийн хичээлүүд
2-р хүснэгт 
• Урлагийн мэргэжил сонгож суралцах хүсэлтэй горилогчид оросын их дээд сургуульд очиж нэмэлт шалгалт өгнө. Нэмэлт шалгалт авах хугацааны талаарх мэдээллийг мэдээллийн RUSSIA.STUDY системд байршуулсан болно.
• Ординатурын программаар суралцах горилогчид орос хэл заавал мэддэг байх ёстой.
Сонгон шалгаруулалтын хоёрдугаар үе шат:
2018 оны 4-р сарын 2-оос 8-р сарын 15 хүртэл
Холбооны Россотрудничество агентлаг, Оросын Холбооны Улсын боловсрол, шинжлэх ухааны яам, гадаадын иргэдийг хүлээн авч суралцуулхаар болсон оросын их, дээд сургуулиудад ирүүлсэн баримт бичиг, сонгон шалгаруулалтын дүнг судлах.
Баримт бичиг бүрдүүлэх, зөвлөлгөө өгөх бүртгэлийн комиссийн ажиллах горим:
3-р сарын 1-ээс 16-ыг хүртэл 10.00-17. 00 цаг хүртэл, завсарлага: 13.00-14. 00 хүртэл.
Бямба 10.00-16.00 хүртэл, завсарлага 13.00-13.30 хүртэл
Ням Амралтын өдөр
Сонгон шалгаруулалтын 2-р үе шатанд оруулж, Россотрудничество агентлаг, Оросын Холбооны Улсын Боловсрол, шинжлэх ухааны яам руу явуулах баримт бичгийн жагсаалт
Сонгон шалгаруулалтанд тэнцсэн горилогчид дараах баримт бичгийг бүрдүүлж цаасаан дээр буулгаж ирүүлнэ. Үүнд:
1. Гадаад паспортын орчуулга, хуулбар. Паспортын хүчинтэй байх хугацаа нь Оросын Холбооны Улсад орж ирснээс хойш 18 сараас доошгүй буюу дор хаяж 2020 оны 3-р сарын 1 хүртэл хүчинтэй байх ёстой.
Суралцах горилогчийн анкетыг өнгөт цээж зургийн хамт. Анкетыг RUSSIA.STUDY системд байршуулсан баримт бичгээс авч хэвлүүлнэ.
2. Сонгосон мэргэжлийнхээ дагуу их дээд сургуулиа сонгохдоо http://www.russia-edu.ru/ мэдээллийн систем дахь навигаторыг ашиглана уу.
Горилогч бүр 6 хүртэл тооны их дээд сургуулийг сонгож бичиж болох боловч холбооны нэг тойргоос гурваас дээшгүй, холбооны чанартай Москва, Санкт-Петербург хотуудад хоёроос дээшгүй их дээд сургуулийг тус тус сонгож болно.
Аливаа шалтгааны улмаас анкетад бичигдсэн нэг ч их дээд сургууль нь тухайн горилгочийг өөрийн оюутнаар сонгоогүй тохиолдолд түүнийг хаана сургах асуудлыг Орос Улсын Боловсрол, шинжлэх ухааны яам өөрийн мэдэлд авч шийдвэрлэнэ.
Сонгосон мэргэжилийн нэр шифр нь Монгол Улсын Боловсролын яамнаас санал болгосон мэргэжлийн зохих жагсаалттай яв цав тохирсон байх ёстой гэдгийг анхаарна уу.
3. Орос хэлэнд хөрвүүлж нотариатаар баталгаажуулсан боловсролын баримт бичиг (аттестат, бакалавр эсвэл магистрын диплом)-ийг сурлагын дүнг хавсраган ирүүлэх
4. Орос хэлний Зуны сургуульд суралцах горилогчид (орос хэлний багш, монгол их сургуулийн орос хэлний ахлах ангийн оюутан)-ын хувьд орос хэлэнд хөрвүүлж нотариатаар баталгаажуулсан дээд боловсролын дипломын хуулбар, ажлын газрын буюу сургуулийн тодорхойлолтыг хавсрагах.
5. Сургуулийн сурагчдын хувьд-11-р ангийн сүүлчийн аттестацийн дүн (11 жилийн сургалттай бол), 12- ангийн нэгдүгээр хагасын дүн (12 жилийн сургалттай бол)-г тус тус гаргаж өгөх
6. 1-2 дугаар курсын оюутнуудын хувьд-сургуулийн тамгаар баталгаажуулсан сурлагын тодорхойлолт (дундаж балл 3,0 доошгүй байх)
7. Оросын их дээд сургуулиудын бэлтгэл ангид гэрээгээр суралцагсдын хувьд-1-р семестрийн сурлагын тодорхойлолтыг орос хэл болон голлох хичээлийн дүн (суралцах чиглэлээр нь: хүмүүнлэгийн, техникийн, анагаах ухааны, эдийн засгийн гэх мэт)-г хавсрагаж өгөх
8. Аспирантын хөтөлбөрөөр элсэж байгаа горилогчийн хувьд:
Эрдэм шинжилгээний бүтээлийн жагсаалт болон суралцах чиглэлд тохирсон сэдэв бүхий реферат (10 хуудас)-ыг хавсрагах.
9. Улсын эмнэлэгийн тамгатай 086 маягт бүхий эмнэлэгийн тодорхойлолт
10. ДОХ-ын өвчингүй болохыг баталгаажуулсан эмнэлэгийн тодорхойлолт
3-р сарын 31 дотор баримт бичгээ бүрдүүлж өгөөгүй гадаадын иргэнийг горилогчдын жагсаалтаас хасна.
