Сэтгэлээ илчлэх арга запуу хосод мундахгүй олон байдаг. Гараасаа чанга гэгч нь хөтлөлцөн алхахдаа, халуухан үнсэлт биесдээ бэлэглээд л…Үнсэлт гэснээс, үнсэлцэхэд учир их байдаг гэнэ. Өсвөр насны охид, хөвгүүд яг л кинонд гардаг шиг романтик, дотно үнсэлцэж үзэхийг хүсдэг тухайгаа найзаасаа нуулгүй ярих үе гардаг. Анхны үнсэлт нь амжилт олоогүй, сэтгэлд нь нийцээгүй гэж голонгуй ярих нь ч бий. Ямартай ч гал халуун үнсэлт хайр дурлалын хамгийн том шагнал тедийгүй, өөр олон зүйлд ашиг тустайг эрдэмтэд баталжээ. Заримаас нь хамтдаа сонирхъё.
Yнсэлцэх нь уушги, зүрхэнд сайн
Лос Анжелос хотын секс судлалын нийгэмлэгийнхэн үнсэлттэй холбоотой сонирхолтой зүйлийг олж тогтоожээ. Үнсэлцэх нь эрүүл мэндэд тустай гэнэ. Тухайлбал, үнсэлт цусны эргэлтэд сайн болохыг илрүүлсэн байна. Үнсэлцэх явцад судасны цохилт минутад 110 хүртэл цохилдог. Энэ нь зүрх судасны ажиллагаанд тун сайн дасгал болдог ажээ. Тиймээс уушги болон зүрхний өвчинд нэрвэгдэхгүй байя гэвэл үнсэлцэх хэрэгтэй болох нь.
Шүдээ эрүүл байлгая гэвэл…
Хүний хамгийн их хайрлаж явах ёстой эрхтэн бол шүд хэмээн эмч нар нэгэн дуугаар баталдаг. Бид шүдээ эрүүл байлгаж, элдэв гэмтлээс сэргийлэхийн тулд юу хийдэг билээ. Өглөө, орой шүдээ зайлшгүй угаах шаардлагатай гэдгээс илүү юу мэдэх билээ. Тэгвэл үнсэлцэх шүдний эрүүл мэндэд сайн болохыг Чикаго хотын шүдний эмгэг судлалын академийнхан нотолжээ. Тиймээс шүд цооролтын эсрэг хэрэглэх шилдэг эм бол үнсэлт байх нь. Үнсэлт нь шүдний гадаргууг гэмтээдэг шүлсний исэлтийг саармагжуулж, шудний бүтцийг сайжруулдаг юм байна. Буйл эрүүл байх нь шүдэнд хамгийн их нөлөөтэй. Их үнсэлцдэг хүн буйлны өрөвслөөр өвчилдөггүй. Яагаад гэвэл буйлыг өрөвсөхөөс сэргийлдэг иллэг үнсэлцэх үед хийгддэг ажээ.
Ядаргаа тайлдаг үнсэлт
Сүүлийн үед манайхан стресст орлоо хэмээн их ярьдаг болсон. Ядаргаа тайлах олон арга бий л дээ. Саунд суух, бүтэн биеийн иллэг хийлгэх гэх зэрэг бидний хэрэглэдэг аргууд дунд үнсэлцэхэд ядаргаа тайлагддаг гэвэл үг содон сонсогдож байна уу? Хэрвээ Та өдөрт нэг удаа гурван минутаас илүү хугацаагаар үнсэлцвэл тодорхой хэмжээгээр ядаргаагаа тайлж чадна гэнэ. Үүнийг Канадын судлаачид нотолжээ. Чин сэтгэлийн, дотно үнсэлт хүний бие махбодийн «стрессийн даавар»-ыг устгаж, биохимийн идэвхжлийг сайжруулдаг юм байна.
Yнсэлтээр амин дэм солилцдог
Австрийн нийгмийн эрүүл мэндийн академийнхан үнсэлтийн ашиг тусын тухай бас нэгэн сонирхолтой зүйл олжээ. Хүний шүлсний найрлагад олон төрлийн нян хадгалагдаж байдаг гэнэ. Тэдгээрийн 80 хувь нь хүн бүрт ижил байдаг нян ба, үлдсэн хувь нь зөвхөн тухайн хүнд л байдаг нянгууд аж. Тэдгээр нь хүний биед эсрэг үйлчилгээ үзүүлдэг нян гэнэ. Тиймээс бид үнсэлцэх үедээ энэхүү 20 хувиа солилцдог бөгөөд энэ нь бидний дархлааны системийг сайжруулж, өвчин эсэргүүцэх чадварыг нэмэгдүүлдэг. Өдөрт зургаагаас доошгүй удаа гурван минутаас илүү хугацаагаар үнсэлцээд байвал та үргэлж эруүл явж болох нь. Эрүүл мэндэд тустай эдгээр зөвлөгөөнөөс харахад, үнсэлт хамгийн хялбар, таатай «гимнастик» биш гэж үү.
Хамгийн олуулаа зэрэг үнсэлцсэн нь
2004 оны хоёрдугаар сарын 14-нд гэгээн Валентиний өдрийг тохиолдуулаи Чилид 9000 хос нэгэн зэрэг 10 секундын турш үнсэлцсэн гэнэ. Филиппинд 5000 хос цугласан нь үүний дараа орж байна. Тэнд үнсэлцэх гэж ирсэн хосуудын хамгийн хөгшин нь 73 настай Алвин Гондилла, түүний эхнэр 56 настай Тэсс нар байв. Харин гуравдугаар байрных нь Нью-Йоркт цугласан 4400 хосын үнсэлт болох нь.
Гайхашрал дагуулсан үнсэлт
Попын хатан Мадонна, дуучин Бритни нар «VMA-2004»-ийн үеэр үнсэлцсэн нь жинхэнэ шуугиан тарьсан билээ. Тэд үүнийгээ бие биенийгээ хүндэтгэж явдаг төдийхнөөр тайлбарлаж байжээ.
Хамгийн удаан үнсэлцсэн нь
Дэлхийн хамгийн удаа үнсэлцсэн хосоор Италийн Кармит Цубера, Дроп Орпаз нарыг бүртгэжээ. Тэд 30 цаг 45 минутын турш үнсэлцсэн гэнэ шүү. Цуцашгүй удаан үнсэлцсэнээс нь харахад тэд лав шинэхэн хос байсан биз. Харин хоёрдугаарт Америкийн иргэн Марк, Энни хоёр оржээ. Тэд оюутнууд. Энэ хос. Хосууд 12 цагийн турш биесээ энхрийлэн үнсчээ.
Хүмүүс хэдэн настайдаа анх үнсэлцдэг болохыг «хэрэгт дуртай» судлаач нар бас сонирхжээ, Судалгааны дүн хүмүүс ер нь 14 настайдаа үнсэлцдэг гэж гарсан байх юм. Гэвч энэ нь гал халуун, чин сэтгэлийнх байж чаддаггүй гэнэ.
