Монгол Улсын Ерөнхий сайд У.Хүрэлсүх энэ сарын 8-12-нд БНХАУ-д албан ёсны айлчлал хийнэ. Айлчлалаар удтал ярьж, бас хүлээсэн Тавантолгойн болон Тавантолгой-Гашуунсухайтын төмөр замын төсөл, мөн манай нүүрсний худалдан авалтыг нэмэгдүүлэх гээд улс орны эдийн засагт ач холбогдолтой олон асуудлыг ярилцах, үр дүн гаргах хүлээлттэй байгаа юм. Мөн энэхүү айлчлалаар зарим том төслүүдийг хөдөлгөх, эрчимжүүлэх эхлэл тавигдана гэж эдийн засагчид үзэж байгаа. Айлчлалын бэлтгэлийг ч энэ хүрээнд хангаж байгаа бөгөөд УИХ, Засгийн газрын төвшинд зарим мэдээлэл урьдчилсан байдлаар иржээ.
Эх сурвалжийн мэдээлж байгаагаар, БНХАУ-ын талаас Монгол Улсын Ерөнхий сайдын айлчлал амжилтай болох эсэх, айлчлалаар тохирсон асуудлууд цаг хугацаандаа бодитой ажил болох үгүй нь нэг зүйлээс шууд хамаарна гэдгийг онцгой анхааруулж байгаа гэнэ. Энэ нь Хятадын талын хэлж буйгаар “Х Богдыг тодруулах ёслол удахгүй Монголд болно, үүнд Далай лам оролцоно гэх мэдээлэл бидэнд байгаа. Хэрвээ үнэхээр ийм явдал болбол манай хоёр улсын харилцаанд илүү хүндрэл гарч болзошгүй” гэсэн мессеж ажээ.
Х Богдыг тодруулах ёслол энэ жил болно, болохгүй тухай албаны эх сурвалжийн мэдээлэл одоогоор байхгүй бөгөөд Далай лам 2016 оны намар манай улсад ес дэх удаагаа айлчилаад буцахдаа Их Тэнгэрт сэтгүүлчдэд мэдээлэл хийж “Х Богд Монголд мэндэлсэн шинж тэмдэг мэдрэгдэж байгаа. Гэхдээ одоогоор энэ хүүхэд нялх байгаа учир 2-3 жилийн дараа 4-5 нас хүрэхээр нь олон түмэнд зарлаж, сэнтийд нь зална” гэж мэдэгдсэн юм. 2017 оны Монгол Улсын Ерөнхийлөгчийн сонгуулийн үеэр болон дараа нь, Монгол Улс тусгаар тогтносон улсын хувьд бурхны шашны тэргүүнийг Монголд урих, эс урихаа өөр улсаар заалгахгүй гэсэн үг яриа манай зарим улс төрчдөөс гарч байсан билээ. Энэ бүгдээс нь харвал энэ, магадгүй ирэх жил Х Богдын тодруулж сэнтийд нь залах ёслол Монголд болно, Далай лам оролцоно гэх бодитой мэдээлэл одоогоор байхгүйтэй адил, бас ийм арга хэмжээ болохгүй, Далай лам дахиж Монголд ирэхгүй гэх баталгаа бас алга. Харин нэг зүйл товч бөгөөд тодорхой байгаа нь БНХАУ-ын талаас Х Богдыг тодруулж ширээнд нь залах ёслолд Далай лам оролцох эсэхийг манай хоёр улсын эдийн засгийн харилцаанаас илүүд тавьж, онцгойлон ажиглаж байгаа нь илэрхий байгаа ажээ. Энэ үүднээсээ Монгол Улсын Засгийн газрын, монголчуудын шашны гэж ойлгож байгаа арга хэмжээг БНХАУ-ын тал улс төрийн харилцаа гэж ойлгож хүлээж авна гэдгээ Ерөнхий сайд У.Хүрэлсүхийн айлчлалын бэлтгэл ажлыг хангах үеэр дахин илэрхийлсэн нь энэ бололтой.
Өө хөгийн новш чинь монголын төмөр замыг одоо хятадын гарт өгөх нь. Эрчим хүчний аюулгүй байдлаа алдах гэрээг хийчихээд, түүндээ санаа зовох ч юмгүй бүр төмөр замаа хятадуудад өгөх гэж байгаа юм байна. Хүрэлсүх одоо хятадын ямар шунал хүслийг хангах юм бол, газар нутгаасаа нэмж өгөх нь юм болов уу, малд өвчин тарааж байгааг нь сайшаан дэмжих юм болов уу, хятадуудыг үй олноор оруулж ирдгээ баталгаажуулах юм болов уу, яах бол, ямар ч гэсэн Монгол улсын алс хэтэд сайн юм авчрах зүйл хийхгүй дээ гэж бодогдоод байсан юм.
Dalai lamaas iluu Mongoliin ediin zasgiin sergelt chuhal bna i
Далай ламын асуудал бидэнд сонин биш байх хэрэгтэй. Ер нь ямар ч шашин хэрэггүй, сүсэг бишрэл хэтэрвэл адгууснууд боллоо гэсэн үг. Түвдүүд бол монголчуудыг шашнаар мунхруулж, өөрсдийн улс төрийн зорилгод ашигласан нь түүхээс харагддаг. Түвдийн шашны урсгалуудын төлөө монголчууд хоорондоо алалцаж байсан түүхтэй. Монголчууд эцэг болсон мөнх хөх тэнгэртээ, эх болсон газар дэлхийдээ, эцэг өвгөдийнхөө сүр сүлдэнд л залбирч шүтэж явах хэрэгтэй.