МҮБХ-ны асуудал улам хурцдаж, өнгөрсөн амралтын өдрүүдэд Бөхийн өргөө рүү дайран орж хөл хөдөлгөөн, үймээн самуун дэгдээжээ.Тодруулбал, өнгөрсөн амралтын өдөр тус холбоог албан ёсоор удирдах эрхээ авсан Б.Бат-Эрдэнэ нарт шүүхийн шийдвэрийг танилцуулж, асуудлыг эв зүйгээр шийдэх гэсэн боловч Б.Бат-Эрдэнэ гишүүний талынхан шүүхийн шийдвэрийн эсрэг цагдаагийн байгууллагыг ашиглан хамгаалалт гаргаж, Х.Баянмөнх аваргыг согтуу этгээдээр элэглэн доромжлуулж аж. Тэр ч байтугай Б.Бат-Эрдэнэ гишүүний хувийн бие хамгаалагч гэгдэх Б.Одхүү начин УИХ-ын гишүүн А.Сүхбатын халдашгүй дархан байдалд халдаж, биед нь гэмтэл учруулжээ.
УИХ-ын гишүүн, Дархан аварга А.Сүхбатыг Бөхийн ергөөнд өрөөнд сууж байхад нь Улсын начин Б.Одхүү 10 гаруй залуугийн хамтаар хаалгыг нь цөм өшиглөн орж, А.Сүхбатын биед халдаж биед нь гэмтэл учруулсан байна.
Монгол үндэсний бөхийн холбооны тэргүүн албан ёсны тэргүүн хэн бэ
Өнгөрсөн 10 гаруй жилийн турш ямар нэгэн шалтгаанаар хуралдаж чаддаггүй байсан Цэцдийн Зөвлөлийг Шүүхийн шийдвэр гүйцэтгэх байгууллагаас хуралдуулав. Улмаар 2014 оны зургаадугаар сарын 24-ны өдөр Их Эеийг хуралдуулах комиссыг сонгосон байдаг. Уг комисс нь ээлжит бус Их эеийг 2017 оны тавдугаар сарын 28-ны өдөр зохион байгуулж бүх төлөөлөгчдийг байлцуулж байгаад МҮБХ-ны шинэ тэргүүнээ сонгож, Л.Чинбатыг шинэ ажилд нь томилжээ.
Улмаар ОӨУБЕГ-аас 2018 оны дөрөвдүгээр сарын 3-ны өдөр нэмэлт өөрчлөлтөөр Л.Чинбатыг МҮБХ-ны тэргүүнээр албан ёсоор Л.Чинбатыг бүртгэж авсан байна. Ингэснээр хуулийн дагуу Л.Чинбат албан ёсоор бөхийн холбоог удирдаж, тамга тэмдэг ашиглах эрхтэй болж байгаа юм. Нэгэнт албан ёсоор холбоог удирдах эрхтэй болсон Л.Чинбат нь анхныхаа тушаалыг гаргаж, МҮБХ-ны Гүйцэтгэх захирлаар Улсын арслан Д.Мөнх-Эрдэнийг томилоод байгаа билээ.
Тэгвэл энэ асуудал одоо хүртэл шийдэгдэхгүй маргаан дагуулсаар байгаа. Тодруулбал, Монголын Үндэсний бөхийн холбооны наймдугаар “Их Эе” хурал өнгөрсөн гуравдугаар сарын 24 –нд Монгол бөхийн өргөөнд болсон. Уг хурлаар Монголын үндэсний бөхийн холбоог удирдах Тэргүүний сонгууль болж, УИХ-ын гишүүн Б.Бат-Эрдэнэ нийт төлөөлөгчдийн 98 хувийн саналаар сонгогдсон билээ. Одоогоор Монгол үндэсний бөхийн холбооны албан ёсны тэргүүн хэн гэдэг тодорхой бус байна. Харин бөхчүүдийн хувьд Б.Бат-Эрдэнэ, Л.Чинбат нарт хоёр хуваагдан маргалдсаар байна.
