Урин дулаан цаг ирж буйтай холбогдуулан иргэдийн эрүүл аюулгүй, цэвэр орчинд амьдрах нөхцөлийг бүрдүүлж, аж ахуй нэгж, байгууллагын оролцоог нэмэгдүүлэх зорилготой ‘’Их цэвэрлэгээний 90 минут’’ арга хэмжээ өнөөдөр болно.
Бүх нийтийн их цэвэрлэгээ өнөөдөр 11:00 цагаас Сүхбаатарын талбайд нээлтээ нийслэлийн бүх ААН, байгууллага, иргэд ойр орчноо цэвэрлэж 12:30 минутад дуусах юи. Цэвэрлэгээг хийхдээ аж ахуй нэгж байгууллага ойр орчныхоо 50 метр газрын хог хаягдлыг цэвэрлэх, хана, фасад, цонх, хаяг, хаягийн байгууламж, сандал хогийн сав, үүд довжоогоо угаах, засварлаж, гадна талбайгаа усалж чийгшүүлнэ. Харин Сууц өмчлөгчдийн холбоод орц болон хариуцсан газрын хог хаягдлын цэвэрлэгээг хийнэ.
-Гудамж, зам талбай, голын ай сав газар, төмөр замын хамгаалалтын зурвас газрын хог хаягдлыг цэвэрлэх, айл өрх, аж ахуйн нэгж байгууллагуудын хог хаягдлын ачилт, тээвэрлэлтийг эрчимжүүлэх
-Гудамж зам талбайн сандал, хогийн сав, хайс хашлага, гэрэлтүүлгийн шон, хөшөө, баримлыг угаах, засварлах
-Нийтийн эзэмшлийн гудамж, зам талбайд байршуулсан өнгө үзэмжгүй хаяг, мэдээллийн байгууламжуудыг буулгах, гадна фасад, хаяг, хаягийн байгууламжийн өнгө үзэмжийг сэргээж, угаах зэрэг ажлыг зохион байгуулах юм байна. Их цэвэрлэгээнд дүүргүүдийн Засаг даргын Тамгын газар хяналт тавьж ажиллах бөгөөд хангалтгүй оролцсон иргэд, аж ахуй нэгж байгууллага, хороодод холбогдох хууль тогтоомжийн дагуу арга хэмжээ авах гэнэ. Түүнчлэн иргэд, аж ахуй нэгж байгууллагууд бээлий, шуудай, хүрз, шүүр болон бусад шаардлагатай багаж хэрэгсэлтэйгээ ирж бүх нийтийн их цэвэрлэгээнд идэвхтэй оролцохыг Нийслэл хотын захирагчын ажлын албанаас уриаллаа.
“Их цэвэрлэгээний 90 минут” өнөөдөр болно
}
Шинэ мэдээ
