Цэнхэр үст Э.Цэрэнг өвөрмөц стиль имижээр нь хүмүүс андахгүй. Тэрээр Монгол улсад хоёр дахь удаагаа зохион байгуулагдах гэж буй Таэквондогийн Азийн аварга шалгаруулах тэмцээний ахмадын ангилалд 54 кг-ын жинд хүч үзэхээр болжээ. Мөн тэрээр Монголын таэквондогийн холбооны удирдах зөвлөлд шинээр сонгогдон ажиллаж эхэлсэн байна. Энэ удаагийн Азийн аварга шалгаруулах тэмцээн тавдугаар сарын 8-наас 13-ны хооронд зохион байгуулагдах бөгөөд тус тэмцээнд 20 орны 500 гаруй тамирчин оролцох аж. Монголоос нийт 190 тамирчин гурван насны ангиллаар оролцож байгаагийн 150 нь өсвөр насныхан юм байна. Тэмцээнийг Олон улсын Таэквондогийн Монголын холбоо болон Монголын үндэсний их сургууль хамтран зохион байгуулж буй аж.
