Монголын Эрүүл Мэндийн Үйлдвэрчний эвлэлийн холбооноос Засгийн Газраас эмч, эмнэлгийн ажилчдын цалин нэмэгдүүлэхийг шаардсан ажил хаялтын өмнөх суулт өнөөдөр Сүхбаатарын талбайд гурав дахь өдрөө үргэлжилсэн. Хөдөлмөрийн мөлжлөгийг халж, шударга үнэлэмж тогтоохыг шаардсан ажил хаялтын өмнөх суултыг дэмжиж буйгаа илэрхийлэн БШУҮЭХ, Нэгдмэл ҮЭХ, ХХААБОҮЭХ, ААХҮЭХ, Соёл урлагийн салбарт ажиллагчдын төлөөллүүд суултад оролцсон.Мөн Соёл урлагийн салбарт ажиллагчдыг төлөөлж Улсын филармонийн гоцлол дуучин СТА Л.Насанбуян ажил хаялтын өмнөх суултад нэгджээ.
