Өсвөр насандаа савангийн дуурьт бүтээсэн дүрээрээ нэрд гарч эхэлсэн поп од Кайли Миноуг урлагийн ертөнцөд гучин жилийг өнгөрүүлэхдээ нийт 80 сая цомгоо худалдаж чаджээ. Тэрээр өдгөө 50 нас хүрч байна.
- Кайли Миноуг амьдралынхаа гучин жилийг тайз, дэлгэц, улаан хивсэн дээр өнгөрүүлжээ. Хамгийн анх “Хөршүүд” савангийн дуурьт Австралийн хамгийн алдартай хосын нэгнийх нь дүрд тоглосноор алдрын оргилд хүрэх эхлэлээ тавьжээ.
- 1985 онд уг савангийн дуурийн гол дүр болох Скотт Шарлен нарын (Кайли ба хамтран тоглогч Жейсон Донован) хуримыг Их Британид 20 сая гаруй үзэгч үзсэн байна. Гол дүрийн хоёр жүжигчин бодит амьдрал дээр хэсэг хугацаанд нэр холбогдоод салсан гэдэг. Телевизийн цувралынхаа дараа дуучин бүсгүй Их Британид поп дууны төрлөөр хүч үзэх болжээ.
- 1987 онд Миноугийн гаргасан анхны сингл цомог “Little Eva’s The Loco-Motion” нь Австралийн шилдэг цомгийн жагсаалтад шууд нэгт жагсчээ. Дараа нь дэлхий дахинаа 68 сая цомог зарагдсан байна.
- Түүний хамтран тоглогч Донован ерээд оны дунд үед хар тамхинаас гарах гэж хичээн, тайзнаа өөрийгөө сорьж мьюзиклийн од болсон юм. Харин энэ үед Кайлигийн нэр алдар улам өндөрт мандсан юм.
- Ерээд оны дунд үед Миноуг савангийн дуурийн Шарлений дүрээ бүрмөсөн орхиж, өндөр амжилт үзүүлж чадсан юм. Түүний “Can’t Get You Out Of My Head” дууны клип сүүлийн арван жилд хамгийн олон хүн үзсэн бичлэгээр шалгарчээ. Мөн 2004 онд Грэммигээс гадна хэд хэдэн шагнал хүртжээ.
- 1988 онд савангийн дуурьт хамтран тоглож байсан Жейсон Донованы хамт 2012 онд Лондонгийн Зул сарын баярын тоглолтын тайзнаа дахин гарч, “Especially For You” дуугаа хамтран дуулжээ.
- “Попын гүнж” нэрээрээ алдрын оргилд хүрсэн дуучин бүсгүй хунтайж Чарлиз, Хатан хаан II Элизабет нарын хамт ордны олон арга хэмжээд оролцсон юм.
- 2005 онд 36 насандаа Кайли хөхний хорт хавдрын эмчилгээний хийлгэснийхээ дараа “Showgirl Greatest Hits Tour” аялан тоглолтоо хийсэн байна. Тэрээр өвчтэй байсан хэдэн сар түүний амьдралын хамгийн бараан өдрүүд байсан хэмээн хожим дурсан ярьжээ.
- Миноуг 50 насныхаа төрсөн өдрөөр өөрийн твиттерт гэр бүлийнхэн, найз нөхөд, 10 жилийн өмнө хөхний хорт хавдраа эмчлүүлж байхад нь тусалсан эмнэлгийн ажилтнуудад талархал илэрхийлэн жиргэжээ.
- Дуучин бүсгүй өөрийгөө бүрэн дайчилж, 2006 онд “Showgirl Greatest Hits Tour” аялан тоглолтон дээрх шигээ тайзнаа гарч ирсэн юм.
- Кайли 2000 онд Сиднейн олимпийн үеэр зарим арга хэмжээнд оролцсон юм. Тэрээр өөрийн дотуур хувцас болон унтлаганы хувцасны брэндийг гаргажээ. Тэрээр 10 жилийн өмнө Букингхэмийн ордонд урлагийн үзүүлбэр үзүүлж байсныхаа төлөө Британийн эзэнт гүрний зэрэг хүртсэн юм.
- Кайли ганцаараа Миноугийнхны од байсангүй. Түүнтэй тун адилхан эгч Данни нь мөн адил Австрали болон Британийн телевизийн цувралын од байсан юм.
- Кайлигийн эрч хүч үүгээр ч зогссонгүй. Тэрээр Сиднейд жил бүр зохиогддог ижил хүйстнүүдийн жагсаалд идэвхтэй оролцдог аж.
- 2016 онд Авсралийн хөгжмийн шагнал гардуулах наадам дээр Кайли өөрийн найз залуу, Британийн жүжигчин Жошуа Сассетай хамт ижил хүйстнүүдийг дэмжсэн цамцаар ижилсэн зургаа авахуулжээ.
