Шинэ Зеланд улсын ерөнхий сайд Жасинда Ардерн 3.31 кг жинтэй охин төрүүлжээ. Ингэснээр тэрээр орчин цагийн түүхэнд тэрээр албан тушаалаа хашиж байхдаа хүүхэд төрүүлсэн хоёр дахь удирдагч болж байгаа юм.
Амаржих хугацаанаасаа дөрөв хоног хэтрээд байсан хатагтай Ардерн Пүрэв гаригийн өглөө Оакландын эмнэлэгт очжээ. Өдгөө 37 настай ерөнхий сайд эмэгтэй төрөх хугацаасаа зургаан долоо хоногийн өмнө албан тушаалаа шадар сайд Уинстон Питерст түр шилжүүлсэн аж. Гэсэн хэдий ч ажил хэргийн чухал асуудлыг зөвлөлдөж, засгийн газрын баримт бичгүүдтэй цаг алдахгүй танилцаж байх болно гэдгээ амлаж байсан юм.
Тэрээр охиноо орон нутгийн цагаар 16 цаг 45 минутанд төрүүлж, хэсэг хугацааны дараа өөрийн олон нийтийн сүлжээн дэх хаягаараа ийнхүү зарласан байна. Ингэхдээ маш их жаргалтай байгаагаа бичиж, эмнэлгийн ажилтнуудад талархаж буйгаа илэрхийлжээ.
Б.Болормаа
