Б.Булганы асуудалд ХЭҮК ч хүчин мөхөстөв

 

 

С.Зориг агсны эхнэр Б.Булганыг баривчилж хориод 4 сар
гаруйн хугацаа өнгөрлөө. Түүнийг Төв аймгийн Урьдчилан хорих төвд ганцаарчлан
хорьж байгаа бөгөөд гэр бүлийнхнийг нь битгий хэл өмгөөлөгчтэй ч уулзуулахгүй
байгаа тухай Б.Булганы ээж Д.Байгаль хэвлэлд өгсөн ярилцлагадаа дурдсан.

Тэгвэл
Б.Булганы энэ байдалд олон нийт анхаарлаа
хандуулахтай зэрэгцэн УИХ дахь Өргөдлийн байнгын хорооны дарга, УИХ-ын гишүүн
Ж.Батзандан, дараа нь Хүний Эрхийн Үндэсний Комиссынхон Төв аймагт очин
Б.Булгантай уулзсан. Тэдний хэлснээр, Б.Булган \”сайн” байгаа юм байх.
Ж.Батзандан гишүүний хэлснээр, Б.Булган \”санаа зовох зүйлгүй. Би сайн байгаа”
гэж хэлүүлсэн аж. Түүнчлэн \”Б.Булганыг хүний
эрхийг зөрчин, эрүүл мэндээр нь хохирох хэмжээнд байлгаж байгаа зүйл алга.
Өмгөөлөгчтэйгөө уулзаж байгаа юм билээ” гэв.

Харин ХЭҮК-ын дарга Ж.Бямбадорж\”Манайд ирсэн
гомдлын дагуу бид үйл ажиллагаа явуулсан. Магадгүй мөрдөх явцад эрүү шүүлтийн
элемент байсныг үгүйсгэхгүй нэг онцлог нь С.Зориг агсны хэргийг онц нууцын
зэрэглэлтэй шалгаж байгаа учраас бүхий л асуудлаар хариулт өгөх
боломжгүй. Бид чадлынхаа хэрээр Б.Булганд эрүү шүүлт байна уу үгүй юу гэдгийг
шалгаад холбогдох газраас хариуг нь авсан.Бид Булгантай ч уулзсан.

Сонин
хэвлэлээр цацагдаад байгаа шиг айхтар зүйл байхгүй. Гэхдээ ор үндэсгүй юм
ч байна\” гэж хэлэв. Монгол Улсын ХЭҮК-оос хийсэн энэхүү
бөөрөнхий мэдэгдлээс \”нууцын зэрэглэлтэй хэрэг учраас эрүү шүүлтийн элемент
байсныг үгүйсгэхгүй” гэсэн өгүүлбэр нууцын зэрэглэлтэй учраас хүний эрх зөрчиж
эрүү шүүлт тулгаж болно, энэ бол хүний эрх зөрчиж болох онцлог тохиолдол гэж
хэлэх шиг сонстов.

ХЭҮК Ж.Батзандан гишүүний адилаар Б.Булганы ээж Д.Байгалийн
гомдлын дагуу Б.Булгантай уулзаж байгаа бөгөөд гомдол мэдүүлж болох бүх газраар
явж буй Д.Байгаль гуай \”Б.Булганыгцагдан хоригдож байх хугацаанд
нь амиа хорлосон болгох, эсвэл амиа хорлоход хүргэх вий гэхээс эмээж байна. Би
охиныхоо эрүүл мэндэд маш их санаа зовж байна. Цагдан хоригдож байх хугацаанд
түүний эрүүл мэнд муудах, тэр ч бүү хэл амь нас нь хохирч мэднэ.

Яагаад гадуур
шалгахгүй, цагдан хориод байгаа нь ойлгомжгүй байна. Эрүүдэн шүүж байгаад амиа
хорлоход хүргэх эсвэл амиа хорлосон болгох вий гэхээс айж байна. Хүнд нөхцөлд
хорьж, залхааж байгаад ямар ч аргаар хамаагүйхэрэг хүлээлгэх бодолтой
байгаа бол охин минь тэсч чадахгүй амь нас нь хохирох болно. Хэргийг ТЕГ-аас маш нууцын зэрэглэлд хамааруулан
шалгаж байгаа үндэслэлээ тайлбарлахгүй байгаа нь нууц гэсэн далбаан доор
байцаан шийтгэх ажиллагаа явагдан, шүүх хуралдааныг хаалттай хийж, тус хэрэгт
ямар баримт, юу хэлсэн, өмгөөлөгч хэрхэн өмгөөлсөн зэрэг бүх зүйл хаагдмал
байна.

Тэгж байгаад хилс хэрэгт гүтгэж, улс төрийн золиос болгож болзошгүй” хэмээн хэлсэн юм. Мөн Б.Булган
\”Ямар ч өмгөөлөгч аваад нэмэргүй, хэлмэгдүүлж буруутгахад өмгөөлөгчтэй,
өмгөөлөгчгүй буруутгана\” гэж гэрийнхэндээ хэлжээ. Тэгэхээр ээжийг нь оруулахаас эмээж буй Б.Булганы асуудалд ХЭҮК ч хүчин
мөхөстөж байгаа нь ил болов.

 

Нинж