Жил бүр наадмын нээлт хаалтын билет авах гэж иргэд алаан болдог билээ. Нэг өдөр алалцаж оочерлоод тасалбар нь дуусчихдаг бөгөөд ихэнхийг нь шагчид авч өндөр үнэд хүргэж дамлаж зардаг жишиг тогтсоор удав.
Энэ жилийн наадмын нээлтийн тасалбарыг дөрвөн цэгээр худалдаалж байгаа бөгөөд аль хэдийнэ дуусчихжээ.
Тухайлбал, Дүнжингарав худалдааны төв дээр борлуулсан билет дуусчихсан байна гэнэ.
Энэ талаар загвар өмсөгч Гэрэлчулуун “Наадмын энэ билет авах гэж үнэндээ ийм л хэрүүл уруултай хар халуунд оочерлож оочерлож байхгүй дууссан гэж хариу сонсох бүр дургүй хүрчихлээ. Бүгд ухаалаг системд нэгдээд байхад манайх л гэж. Одоо яаж нээлтийн билэт олох уу. 110.000 шагчид тогтоосон үнэ .Билет зарна гээд тэд нар дүүрэн зогсоод л үлдлээ дээ. Хэлэх үг алга даа” гэсэн пост үлдээжээ.
Тэгвэл мөн л 6 буудлын Оргил худалдааны төвд наадмын билет зарж байгаа бөгөөд иргэдийн оочер дараалал нэмэгдэж алаан болж цагдаа нар хамгаалалтад гарсан байгаа ажээ. Мишээл худалдааны төв дээр ч иргэд хар халуун оочерлож, хэрүүл уруул хийж зогссон хэдий ч тасалбар авч чадахгүй үлдэх тохиолдол гарчээ.
Дашрамд дуулгахад, наадмын нээлтийн тасалбарын үнэ суудлын зэрэглэлээс хамаараад иргэдэд 16000, 20000, 24000 төгрөг, жуулчдынх 25 ам.долларын үнэтэй байгаа хэдий ч шагчид 100 мянга гарган дамлаж зарж байна.
Эх сурвалж: olloo.mn
