Тулгар төрийн 2227, Их Монгол Улсын 812, Ардын хувьсгалын 97 жилийн ойн Үндэсний их баяр наадамд зориулсан “Хуйрнан шуугигч” хүүхдийн бөхийн барилдааныг энэ удаад MNC телевизтэй хамтран ерөнхий ивээн тэтгэгчээр Zaisan Hill цогцолбор ажиллан зохион байгууллаа. Жил бүрийн долдугаар сарын 10-ны өдөр болдог уг барилдаан энэ жил тав дахь жилдээ зохион байгуулагдаж 4-7 насны 48 хүүхэд оролцсон байна. Барилдаанд Төв аймгийн Сэргэлэн сумын бөх 6 настай Т.Буянхишиг түрүүлж, Улаанбаатар хотын бөх 7 настай А.Даваабаатар үзүүрлэлээ.
6-7 насны ангилалд:
1.Төв аймгийн Сэргэлэн сумын харьяа 5-р сургуулийн сурагч Төмөрбатын Буянхишиг /8 дах удаагаа түрүүлсэн/
2. Завхан аймгийн Тосонцэнгэл сумын уугуул, ХУД-ийн Орхон сургуулийн сурагч Амгаланбаатарын Даваабаатар /19 удаа түрүүлсэн /
3. Сэлэнгэ аймгийн Ерөө сумын уугуул бөх Батхуягын Ариунболд 3-р байр /анх удаа/
4. Хөвсгөл аймгийн Галт сумын уугуул Шинэ Монгол харама фүжи сургуулийн сурагч Пүрэвцэрэнгийн Цэрэнпунцаг шөвгөрлөө / 6 удаа түрүүлсэн/
4-5 насны ангилалд:
1. Архангай айгмийн Их Тамир сумын уугуул, Ар гүнтийн бөх Гансүхийн Түвшинтогтох түрүү /завсаргүй 31/
2. Архангай айгмийн Их Тамир сумын уугуул, Ар гүнтийн бөх Гансүхийн Төртогтох /түрүү бөхийн ихэр – завсаргүй 30 гаруй удаа шөвгөрөөд байгаа
3. Өвөрхангай аймгийн 9 зүйл сумын уугуу Анхбаатарын Мөнхдөлгөөн /анх удаа/
4. Говь-Алтай айгмийн Шарга сумын уугуул ХУД-ийн Азийн Од цэцэрлэг / 3 удаагаа шөвгөрч байна/
Хүүхдийн бөхийн барилдааныг Зайсан Хилл цогцолборт зохион байгуулснаар хүүхэд багачууд төдийгүй тэдний гэр бүлийнхэн нь тус цогцолбортой танилцаж, бүтээн байгуулалтыг үзэж сонирхон, тэнд гэр бүлээрээ цагийг хэрхэн зөв зохистой өнгөрүүлэх боломж бүрдсэн талаарх мэдээллийг авсан нь бас нэгэн давуу тал болжээ.
“Хуйрнан шуугигч” бөхийн барилдааны үзүүр, түрүүний хоёр бөхөд Зайсан Хилл цогцолборын зүгээс VR тоглоомын эрхийн бичиг, Трамполин паркад тоглох эрхийн бичиг, кинотеатрт кино үнэгүй үзэх эрхээр шагнан урамшууллаа. Мөн ивээн тэтгэгчээр Шар доктор ажилласан байна.
Ингээд Хуйрнан шуугигч бөхийн барилдааны үзүүр, түрүү бөхчүүдтэй танилцлаа.
-Мундаг бөх дүү нартаа баяр хүргэе. Хэдэн жил бөх барилдаж байгаа вэ?
Т.Буянхишиг: Баярлалаа. Би хоёр жил бөх барилдаж байгаа.
А.Даваабаатар: Баярлалаа. Би гурван жил бөх барилдаж байгаа. Би хоёр удаа улсын аварга болж байсан.
-Хэн дасгалжуулж, зааж өгдөг вэ. Бөхийн секцэд явдаг уу?
Т.Буянхишиг: Манай ах бас барилддаг. Сүхбат гэдэг. Би ямар нэгэн бөхийн секцэд явдаггүй. Ахтайгаа л барилддаг. Би бөх барилдах дуртай.
А.Даваабаатар: Би гэртээ дүүтэйгээ барилддаг. Секцэд явдаггүй. Би бас бөх барилдах их дуртай.
-Аль сургуульд явдаг вэ?
Т.Буянхишиг: Төв аймгийн 5 дугаар сургуульд сурдаг. Одоо хоёрдугаар ангид орно.
А.Даваабаатар: Би Орхон сургуульд сурдаг. Сая нэгдүгээр ангиа төгссөн.
Түрүү бөх Т.Буянхишиг нь бөхийн удамтай айлын хүүхэд аж. Үзүүрлэсэн бөх Т.Буянхишигийн дүү Дашням мөн барилджээ. Таван настай дүү нь хоёрын даваанд өвдөг шорооджээ. Бөхийн удамтай хоёр хүүгийн өвөө нь Сэлэнгэ аймгийн бөхийн холбооны тэргүүн н.Доржпалам гэж хүн байдаг гэнэ. Ирээдүйн аваргууддаа амжилт хүсье.
Ингээд “Оюуны Ундраа” группийн Маркетинг, борлуулалтын газрын Ахлах менежер П.Мөнхцэцэгээс зарим зүйлийг тодрууллаа.
-Бөх барилдсан хүүхдүүдийн сэтгэгдэл хэр байна. Зарим хүүхдүүд барилдааны дараа уйлж байгаа харагдсан?
-Зайсан Хилл цогцолборт ирж үзээгүй хүүхдүүд олон байна. Зодог шуудагтай хүүхдүүд дээр дооргүй гүйлдээд, үнэхээр баяр хөөртэй байгаа нь харагдаж байлаа. Ихэнх хүүхдүүд нь энд анх удаа ирсэн хүүхдүүд байна. Зохион байгуулагч багийнхны хувьд ч мөн манай цогцолборт анх удаа ирж байгаа юм байна. Барилдааны үеэр түрүүлж чадаагүй хүүхэд уйлж байгаа харагдсан. Гэхдээ зохион байгуулагчдын зүгээс тэр хүүхдийг аргадаж урамшуулсан. Ер нь энэ өдөр хүүхдийн дуу цангинасан их сайхан өдөр байлаа. Энэ хүүхдүүд манай цогцолборт орж ирснээр сэтгэгдэл өндөр, “дуусашгүй дурсамжаар” дүүрэн үлдсэн гэдэгт итгэлтэй байна. Бүх хүүхдүүддээ болон гэр бүлийнхэнд нь аз жаргал хүсье, баярын мэнд дэвшүүлье. Хотол олноороо сайхан наадаарай.
-Энэ өдрөөр Зайсан Хилл цогцолборын баяр наадмын үйл ажиллагаа эхэлж байгаа юм байна. Наадмын өдрүүдээр ажиллах уу. Ажиллах бол ямар үйл ажиллагаа зохион байгуулагдах талаар мэдээлэл өгөөч?
-Бөхийн барилдаанаар Зайсан Хилл цогцолборын наадмын үйл ажиллагаа эхэлж байгаа юм. Долдугаар сарын 11, 12, 13-ны өдрүүдэд Зайсан Хилл цогцолборын гадаа талбайд байгаа “Food Village” зургаан павильонд “Хуушуур” фестиваль, “Айраг” фестиваль, “Дэмбээ” фестиваль зэрэг үйл ажиллагааг зохион байгуулна. Тиймээс наадмын хуушуур идэхээр Цэнгэлдэх хүрээлэн тойрдог байсан бол Зайсан Хиллийг зорьж ирээд хуушуур идэж болох нь. Хуушуур идэнгээ азтанаар тодрох боломжтой. “Азын бууз” гэж байдаг бол наадмаар бид анх удаа “Азын хуушуур”-ын эзнийг тодруулна. 
Азын хуушуурын эзэн нь манай цогцолборын VR тоглоомын төв, Трамполин парк, Prime Cineflex кинотеатраар үйлчлүүлэх эрхтэй болох юм. Энэ мэтчилэн манай цогцолбор амралтын өдрүүдээр бүтэн ажиллана. Манайд хүрэлцэн ирж шилэн гүүрээр явж, долдугаар давхарын Тэгри ресторанаар үйлчлүүлэн наадмын хуушуур зооглох боломжтой. Хэрэв хуушуураас уйдвал Food Court-оор үйлчлүүлэн олон үндэстний хоолоос сонголт хийх боломжтой юм. Өглөөний 11:00-00:00 цаг хүртэл ажиллана.
-Хөлбөмбөг үргэлжилж байна. Танайд хөлбөмбөг үзэх асар бий юу?
-Долдугаар сарын 15-ныг хүртэлх амралтын өдрүүдээр Зайсан Хилл цогцолбор бүхий л чиглэлээр үйлчилнэ гэдгийг дахин хэлмээр байна. 15-нд болох хөлбөмбөгийн хаалтын тоглолтыг манай гуравдугаар давхарт байрлах Hamburg Jack’s –ын гадна терраст үзэх боломжийг бид олгож байгаа.
Мөн Night club ч ажиллаж байгаа гэдгийг давхар дуулгая. Night club-ын үйл ажиллагаа нь 22:00 цагаас эхэлдэг.
Ийнхүү наадмын үйл ажиллагаагаа “Хуйрнан шуугигч” хүүхдийн бөхийн барилдаанаар эхлүүлж буй Зайсан Хилл цогцолборын хамт олноос баяр наадмын мэндчилгээ дэвшүүлж, баярын өдрүүдээ хамтдаа өнгөрүүлэхийг хүсэн урьж буйг үүгээр уламжилж байна.
