Пиццаг сайхан амттай болгодог моцарелла бяслагийг гэрийн нөхцөлд хэрхэн хийх аргаас сурцгаая. Моцарелла бяслаг нь хийхэд маш хялбар, ердөө 30 минутын дотор л бэлэн болно.
Бяслаг хийхэд бэлтгэнэ:
Шинэхэн моцарелла хийхэд энгийн орц найрлагатай.
Орц:
-өтгөн сүү,
-ранет (rennet),
-лимоны хүчил,
-давс.
Үнээний, ямааны, хонины сүү байж болно. Мөн ариутгасан сүүгээр хийх боломжтой. Гэхдээ хэт өндөр температурт ариутгасан сүүгээр бяслаг хийж болдоггүйг анхаарна уу! Ранет нь шингэн болон хуурай хэлбэрээр байдаг (бид энэ удаад шингэн ранет сонгосон), бяслагны дэлгүүрүүдэд байдаг фермент юм.
Бэлтгэл: 1 аяга усанд 1 бүтэн болон хагас /1.5/ цайны халбага лимоны хүчлээ хийж сайтар уусгана. Мөн тусад нь 1/4 аяга усанд 1/4 цайны халбага шингэн ранетээ хийж уусгаж бэлтгэнэ.
1/ Сүүгээ ээдүүлнэ.
4л сүүгээ кастрюл савандаа хийж гал дээр тавина. Лемоны хүчилтэй уусмалаа хийж хутган 32 градус (цельс) хүртэл бүлээтгэнэ. Та урьдчилан бэлтгэсэн хүнсний термометрээрээ хэмжээрэй. Дараа нь савтай сүүгээ гал дээрээс аван ранеттай уусмалаа хийж 30секундийн турш хутгана. Ингээд таглаж 5 минут амраана.
2/ Ээдүүлсэн сүүгээ зүснэ.
5 минут амарсан сүү маань зурган дээр үзүүлсэн шиг ээдсэн байх ёстой ба хэрэв ээдээгүй бол ээдтэл нь амраана. Ээдэж бэлэн болсны дараа зурагт үзүүлсний дагуу урт хутгаар ёроолд нь хүртэл дөрвөлжин хэлбэрээр зүснэ.
3/ Ээдсэн сүүгээ халаана.
Дунд зэргийн халааж бэлдсэн гал дээрээ савтай ээдмээ тавина. Ингээд 40,5 градус хүртэл халаана (халаах явцдаа байнга хутгана). 40,5 градус хүрэнгүүт савтай ээдмээ гал дээрээсээ авч, 5 минут амраана. Амраах явцдаа хэд хэдэн удаа хутгана.
4/ Бяслагаа шүүнэ.
Амарсан бяслагны шар сүү маш сайн ялгарсан байх ёстой. Бяслагаа шүүлтүүр ашиглан шүүж авна. Шүүсэн бяслагаа базан шар сүүнээс сайтар ялгаж авах хэрэгтэй юм.
5/ Бяслагаа халуун усанд сойно.
Буцлах температураас доош 85 градуст халсан халуун устай нэг сав бэлтгэнэ. Ялгаж авсан бяслагаа сайтар базаж, нягтруулсны дараагаар бэлдсэн халуун устай савандаа хийж 2-3мин байлгана. 3минутийн дараагаар бяслаганы гол 57 градус хүрсэн эсэхийг шалгана. Хэрэв бяслагны гол 57 градуст хүрээгүй бол дахин халуун усанд сойж 57 градус хүртэл нь байлгана.
6/ Бяслагаа базна.
1 халбага хүнсний давс цацан бяслагаа хөртөл нь сайтар базна. Ингэхдээ халуун устай саван дээрээ барин 10-20 секунд базаж, халуун уснаас холдуулан базах гэх мэтээр ээлжлэн бяслагаа зөөлөн, сунамтгай болгоно. Ингээд бяслаг маань бэлэн болно.
7/ Бяслагаа хэлбэржүүлнэ.
Бөөрөнхий, дөрвөлжин гээд та хүссэн хэлбэрээр хэлбэржүүлж болно. Хэлбэрт оруулсан бяслагаа мөстэй усанд хийж 5мин сойж бэлэн болгоно.
8/ Ингээд бяслагаа идэхэд бэлэн боллоо.
Моцарелла бяслагыг салат, сэндвич, гоймонгийн салат болон пицца хийхэд хамгийн тохиромжтой. Ингэж нэг бэлдсэн бяслагаа хөргөгчинд 5 өдөр байлгаж идэхэд чанараа алдахгүй.
