Замын ажил эхэллээ л гэнэ… анхаарах, болгоомжлох, бодолцох зүйлс олон шүү дарга нар аа!

$\"\"$

ЗТЯ-ны нөхдүүд \”2016 оны 04 дүгээр сарын 15-нд улс даяар зам барилгын ажлууд эхэлнэ\” гэж өнөөдөр сошилд мэдээлсэн байна. Тэгвэл энэ ажлын үеэр нийслэлийн иргэдийг бухимдуулсан, өдөр бүр анхаарах ёстой хэдэн зүйл байдгийг уламжилмаар санагдав.

1. Хүнд даацын автомашинуудыг барилгын хашаанаас гарахад нь дугуйных нь шавар, шороог угааж унагах ажлыг одоо шинээр нэвтрүүлэх хэрэгтэй байх. Тэр орчных нь зам илүү ихээр бохирдоод тоос шороо болоод байдаг асуудал бий.

2. Том оврын ачааны автомашинуудыг орон сууцны хороолол болон шөнийн цагаар дуу чимээ их гаргах хийн сигналаа орилуулах гэх мэт асуудлыг бүрмөсөн тэглэх нь зүйтэй, хүүхэд хөгшид амарч чадахаа байдаг.

3. Барилгын ажил явагдаж байгаа газрын хажуугийн зорчих хэсгийн нэг эгнээг бүхэлд нь хааж очерлож, зогсохгүй байх нь чухал, тэртээ тэргүй түгжирч ядаж байхад улам түгжээд байдаг.

4. Барилгын материал шороо ачиж явж байгаа болон зуурмаг ачиж яваа машинууд зам дээр хайрга, элс цемент ихээр асгаж явдгийг бүрмөсөн болиулах хэрэгтэй. Асгарч савирсан зуурмаг нь тэр чигээрээ хатаад жижиг тэрэгний жолооч нарт бартаа үүсгэх зам бохирдуулах, замын гадаргууг эвдэх тал бий.

5. Тормосны гэрэл нь асахгүй, дугуй нь халзан, хар утаа хаясан, цемент, хар лаванд арын гэрэл номер нь дарагдсан том том ачааны машинууд ихэсдэг.

6. Барилгын дээрээс төмөр мод чулуу унаж хүний амь насанд заналхийлдэг сезон учир энэ тал дээрээ анхаарах нь зүйтэй.

7. Зам хаах, урсгал чиглэл өөрчлөхдөө ухаалаг арга замыг сонгож байвал иргэд бухимдахгүй. Улаанбаатарт явган зорчигч нар амьдардаг гэдгээ ямагт мартдаг, тэдний зам дээр ажил хийж байгаа бол явах замыг нь авто замтай холихгүй байх, тусгайлан зам гаргаж байх хэрэгтэй.

8. Зам засварын ажлын технологийг нь ажлын явцад нь хянах хэрэгтэй, ялангуяа жижиг засварууд дээр, жишээ нь Баянцээлийн туслах замыг жил болгон нөхдөг хэдий ч тун удалгүй 20, 30 см нүхнүүд болсон байх жишээний. Замын хагархайны завсараар битум урсгаад элс цацахаар тэр нь машины дугуйнд наалдаад замын цагаан шугам тэмдэглэлийг харлуулчихдаг шиг нэг ажлаар нөгөө ажлаа устгамааргүй байна.

Эх сурвалж: С.Энхтөр /Enkhtur Sambuu/