Японы засгийн газар Сирид барьцаалагдсан сэтгүүлчээ аврахаар ажиллаж байна. Түүнийг 2015 оны 6-р сард Сирид террористууд барьцаалжээ. Японы Засгийн газар түүнийг удаан хугацаанд ор сураггүй алга болсонд тооцож байсан аж.
Гэтэл гэнэт өнгөрсөн долдугаар сарын 31-нд түүний тусламж хүссэн бичлэг интернетэд тавигдсан байна. Энэ үед түүнийг амьд байгааг олж мэджээ.
Тэрээр видео камерийн өмнө суугаад “Миний нэрийг Умар гэдэг. Би Өмнөд Солонгосын иргэн. Өнөөдөр 2018 оны долдугаар сарын 25. Намайг маш хүнд хэцүү нөхцөлд хорьж байна. Намайг одоохон авраач гуйя” хэмээн Япон хэлээр ярьж тусламж гуйжээ.Харин түүний ард гартаа автомат буу барьсан хар маск зүүсэн хүмүүс зогсож байсан байна. Одоогоор японы радикал намынхан түүнийг мөнгөөр суллаж авахыг шаардаж байгаа ч яг тодорхой мөнгөн дүнг зарлаагүй байгаа аж. Хэрвээ түүнийг террористуудаас суллаж авахгүй бол тэрээр алан хядагчдад цаазлуулах юмуу эсвэл өөр террорист бүлэглэлд худалдагдаж магадгүй юм байна.
Энэ асуудлын талаар Японы засгийн газрын кабинетын Ерөнхий нарийн бичгийн дарга Ёшихидэ Суга хэвлэлийн хурлын үеэр албан ёсны тайлбар хийсэн бөгөөд тэрээр “хулгайлагдсан Япон иргэдийн аюулгүй байдлыг хангах нь тус улсын тэргүүн зэргийн зорилго гээд бид түүнийг аврахын төлөөл бололцоотой бүхий л арга хэмжээг авах болно” гэж мэдэгджээ. Сирид алан хядагчдын гарт барьцаалагдаад байгаа Японы иргэн Жюнпэй Ясуда нь чөлөөт сэтгүүлч бөгөөд тэрээр тэнд өмнө нь тус бүс нутагт терристуудад барьцаалагдан цаазлагдсан япон иргэдийн талаар материал цуглуулахаар явсан нэгэн бөгөөд магадгүй тэрээр энэ үүднээс өөрийгөө өөр улсын харьяат хэмээн танилцуулсан байж магадгүй ажээ. Гэхдээ нэг сонин зүйл нь түүнийг алан хядагчид юуны учир ийнхүү олон жил барьцаанд байлган юу ч нэхэхгүй байгаа нь туйлын ойлгомжгүй байгаа юм байна.
