ХЭҮК-ын хийж чадаагүйг Ц.Оюунгэрэл гишүүн хийлээ

 

 

 

/Б.Булгантай очиж уулзахаар Төв аймагт очсон УИХ-ын гишүүн Ц.Оюунгэрэл, Л.Болд, Х.Тэмүүжин нарыг тагнуулынхан оруулаагүйн улмаас ийнхүү шалан дээр сууж байгаад Б.Булгантай уулзаж чаджээ/

Хүний
эрхийн үндэсний комисс /ХЭҮК/ хэмээх сүржин нэртэй төрийн байгууллага тун чиг
даржин үйл ажиллагаатай, түүндээ төсвөөс их хэмжээний санхүүжилт аваад сууж
байдаг нь ил боллоо. Гэртээ гэдсээ илээд хэвтсэн хүнд мөнгө олддоггүй ч төрд
харин эсрэгээрээ зүгээр сууж байгаад цалин авч болдог.

Үүний бодит жишээ нь,
ХЭҮК. Хийдэг ажлаараа Хүчирхийллийн эсрэг үндэсний төв /ХЭҮТ/-ийн хаана ч нь
хүрэхгүй ХЭҮК төсвөөс их хэмжээний санхүүжилт авч байхад, ХЭҮТ-д хүчирхийлэлд
өртсөн хүүхэд, эмэгтэйчүүдийн түр байлгах байрны түрээсээс хэтрэхгүй мөнгийг төр
олгодог. Хамгийн сүүлд, ХЭҮК-ынхон олны шаардлагаар С.Зориг агсны эхнэр
Б.Булганы нөхцөл байдалтай очиж танилцсан. Олон улсын жишгээр бол ХЭҮК-оос
Б.Булганы нөхцөл байдлын талаар хамгийн бодит дүгнэлт гарах байлаа. Харамсалтай
нь, ХЭҮК-ын дарга Ж.Бямбадорж \”Манайд
ирсэн гомдлын дагуу бид үйл ажиллагаа явуулсан. Магадгүй мөрдөх явцад эрүү
шүүлтийн элемент байсныг үгүйсгэхгүй нэг онцлог нь С.Зориг агсны хэргийг онц
нууцын зэрэглэлтэй шалгаж байгаа учраас бүхий л асуудлаар хариулт өгөх
боломжгүй.

Бид чадлынхаа хэрээр Б.Булганд эрүү шүүлт байна уу үгүй юу гэдгийг
шалгаад холбогдох газраас хариуг нь авсан.Бид Б.Булгантай ч
уулзсан. Сонин хэвлэлээр цацагдаад байгаа шиг айхтар зүйл байхгүй. Гэхдээ ор
үндэсгүй юм ч байна\” гэж тун бөөрөнхий, орооцолдсон мэдээлэл өгсөн. Гэхдээ түүний үгнээс Б.Булганд
эрүү шүүлт тулгасан байсан ч С.Зоригийн хэргийг нууцын зэрэглэлд шалгаж байгаа
учраас түүнд эрүү шүүлт тулгаж хүний эрх зөрчсөнийг хэлэх боломжгүй гэдэг нь
ойлгогдсон юм. Тэгвэл ХЭҮК-ийн мэдэрч чадаагүй, магадгүй мэдэрсэн ч бусдын
нөлөөнд автдаг Хүний эрхийн үндэсний комисс хэмээх том байгууллагын хийж
чадаагүй ажлыг ганц Ц.Оюунгэрэл гишүүн хийчихлээ.

Тэрбээр өчигдөр УИХ-ын
Лу.Болд, Х.Тэмүүжин нарын хамтаар Төв аймгийн Цагдан хорих байранд очиж Б.Булгантай
уулзсан бөгөөд үүнийхээ дараа тэрбээр \”Б.Булганд эрүү шүүлт тулгаж, залхаан
цээрлүүлж байгаа шинж тэмдэг олон ажиглагдсан” хэмээн хэлсэн юм. Тэгэхээр
Б.Булгантай очиж уулзсаныхаа дараа түүнийг сайн байгаа гэж байсан УИХ дахь Өргөдлийн
байнгын хорооны дарга Ж.Батзандан гишүүний болон ХЭҮК-ын мэдэгдэл үнэнээс зөрж
байна. Товчхондоо, ХЭҮК хэмээх том байгууллага, УИХ дахь Өргөдлийн байнгын
хороо ганцхан хүнд нам дарууллаа. Төсөв хүнд байгаа энэ үед их хэмжээний
санхүүжилтээр ажилладаг, үндсэн үүргээ умартсан, олон түмний итгэл найдварыг
хөсөрдүүлж, ажлаа оронцоглодог иймэрхүү байгууллагууд байх шаардлага байдаг ч юм уу.

Хамгийн гол нь,
Б.Булганыг С.Зоригийн хэргээр дахиж ам нээхгүй болтол нь дарамталж, залхаан цээрлүүлж
байгаа нь бараг тодорхой болчихоод байгаа юм. Мөн түүнийг хар тамхины хэргээр
баривчилсан, Төв аймгаас Цагдан хорих 461 дүгээр анги уруу шилжүүлсэн гэх
албаны мэдэгдлүүд бүгд төөрөгдүүлсэн мэдээлэл болж байна.

 

Нинж