Монголчууд бид чинь ер нь их сонин улс юм. Хувьсгалаас өмнө бие биенийгээ лүд барам, босоо ороолон, мулгуу мал, нохой мохой гэхчилэн янз бүрээр хараадаг байсан гэлцдэг. Харин хувьсгалын дараа орос ах нар Монголд ирж ,монголчууд ч хойшоо сургууль соёлд явж нэг үгээр хэлбэл жоохон соёлжиж иргэнших болсон цагаас хойш орос ах нарынхаа буянаар есөн шидийн орос хараал сурч түүнийгээ өдөр тутам амьдралдаа хэрэглэж ирсэн түүхтэй. Ямар ч л байсан Монгол улсын 3-дах ерөнхийлөгч Н.Энхбаяр л лав шоронд байхдаа тэндхийн ажилтныг п гэдэг үгээр мөн ч их харааж түүнийгээ сүүлд нь хэвлэлийн бага хурал дээр тайлбарлаж ярьж байсныг хүмүүс андахгүй мэднэ. Тэгээд 90 оноос хойш ардчилалтай золгосноос хойш америк солонгос өөр ямар байдгийн бусад улс орны түмэн янзын учир нь үл ойлгогдох хараалыг сурч хэрэглэх болсон байдаг.
Саяхан хотын дарга Э.Бат-Үүл телевизийн нэвтрүүлэгт оролцох үеэрээ нэгэн сонирхолтой яриа өрнүүлж байхыг Youtube-ээр харж суулаа. Тэрээр хэлэхдээ: Манай Монголд “лалар” гэдэг үг байдаг. Энэ үг бол биднийг бага байх үед 70-аад оны үед 40 мянгатынхны залуучуудаас гарсан үг юм. Тэр үед телевизийн мэдээгээр нүүрээ далдалсан лалын гивлүүртэй террористууд их гардаг байсан.Тэгээд бид нар тэр хүмүүсийг “лаларууд” гэж нэрлэдэг болсон юм. Өнөө үед ч гэсэн нүүрээ нууж 2 нүдээ гаргасан лалын террористууд хүний толгой цавчаад, буудаж алаад байгааг бид нар байнга л мэдээгээр үзэж суугаа. Харин тэдгээр этгээдүүдийн нөгөө гивлүүрийг нь аваад хаячихвал үнэн хөгийн амьтад байдаг байхгүй юу. Нүүрээ нуусан тийм хүмүүс хэзээ ч зоригтой байдаггүй. Харин шал солиотой, өвчтэй, үнэн бүтэлгүй хүмүүс байдаг юм. Тэрэнтэй нэгэн адил манай нийгэмд ялангуяа интернэтэд лаларууд маш их байнаа. Би нэг тийм хүнийг мэднэ. Бүр интернэтийн ард суугаад солиорлоо бичиж түүнээсээ кайф авдаг хүн л дээ. Тийм хүмүүсийг ойлгоход үнэхээр хэцүү.
Бүр нас барсан хүнийг хүртэл болж дахиад арав үхээсээ ч гэх шиг солиороод сууж байдаг юм гэхчилэн ярьж байв. Яг үнэндээ бол нээрээ л монголчууд хөгшин залуугүй л бүгдээрээ хөөе лалараа, муусайн лаларууд, битгий лалартаад байгаарай гэж бие биенийгээ хараадаг мөртлөө энэ ямар учиртай үг болохыг төдий л ойлгодоггүй явж ирсэн нь үнэн юм. Харин хөөрхий Э.Бат-Үүл гуайнхаа буянаар одоо л нэг юм “лалар” гэж чухам ямар уг гарвалтай үг болохыг бид нар ойлгодог болж болж байгаа нь сайн хэрэг. Аштай юу даа. Магадгүй дараа нь дахиад хэн нэг дарга нь бас телевизийн нэвтрүүлэгт оролцхоороо бас өнөөх гадаадын түмэн янзын хараал, аль эсвэл өөрсдийнхөө зохиосон бусад хараалынхаа талаар ярьж өгөх ч юм билүү. Тэгвэл лав монголын ард түмэн их баярлана даа. Ямартай ч “лалар” гэдэг үгийг тайлбарлаж өгсөн Э. Бат-Үүл гуйадаа баярлалаа. Гэхдээ “лалар” гэснээс Э.Бат-Үүл гуай таны нөгөө эхлүүлсэн нийслэлийн дахин төлөвлөлт чинь юу болсон бэ? Таныг болон танай нөхдийг эсэргүүцдэг нөгөө сөрөг хүчнийхэн чинь нийслэлийн дахин төлөвлөлтөндөө өөрийн хүү болон хамаатан садан найз нөхдөө улайм цайм оролцуулж лалартсан гэж ярьцгаах юм билээ. Хэрвээ тэр үнэн бол та ч гэсэн өөрөө жинхэнэ лалар гээч нь болж байгаа юм биш биз дээ.
