Японы мэргэжлийн сүмогийн намрын тэмцээн буюу Аки башё тун сонирхолтой болж өндөрлөө. Сүмогийн олон дээд амжилтыг тогтоогоод байгаа Хакүхо их аварга 40 дэх түрүүгээ авснаас хойш таван башёгийн дараа нэг ч уналгүй түрүүлэхдээ сүмогийн түүхэнд дээд амжилт тогтоож 41 түрүү бас 1000 дахь даваагаа авсан давхар амжилт юм.
Халхын хүчтэн тэрбээр тэмцээний 14 дэх өдөр түрүүлэх болзлоо хангасан бол сүүлчийн өдөр нутаг нэгт ёкозүна (аварга) Какирюүг давснаар босоо аварга гэдгээ дахин нотлоо.
Энэ тэмцээнийг сонирхолтой болсон гэдэг нь аварга арслангууд тэмцээн дуустал амжилттай цолныхоо хэмжээнд барилдсанд байгаа гэж сүмогийн тайлбарлагчид хэлж байсан юм.
Монгол сүмочдоос Тамаваши Б.Мөнх-Оргилоос бусад нь буюу Ичиножёо А.Ичинноров, Таканоива А.Баасандорж, Чиёошома Г.Мөнхсайхан нар 8-9 даваатайгаар тэмцээнээ дуусгав. Харин Тамаваши Б.Мөнх-Оргил дөрөвхөн даваа авснаар санякү цолоо хадгалж чадсангүй.
