Хятадад боловсруулагдсан дэлхийд хамгийн томд тооцогдох газар-уснаа явагч “Цилун” (AG600) онгоц усан дээр ээлжит туршилтаа амжилттай дуусгалаа. Энэ удаа мэргэжилтнүүд усны гадаргуу дээр өндөр хурдтайгаар хэрхэн гулсахыг үнэлэх ёстой байсан гэж даваа гаригт Хятадын онгоц үйлдвэрийн (AVIC) корпораци мэдээллээ.
Онгоц наймдугаар сарын 27-ноос Хубэй мужийн “Чанхэ” усан-агаарын буудал дээр байрлаж, тэнд бага болон дунд зэргийн хурдтайгаар гулсан буух хэд хэдэн туршилтыг явуулсан байна.
“Энэ удаа онгоц усны гадаргуу дээр өндөр хурдтайгаар гулсан буух туршилтыг хийсэн. Шалгалтын явцад хамгийн гол нь хөлгийг шулуун болоод манёврлах үед удирдах, хөдөлгөөний явцад тогтвортой байх, ус нэвтрэхгүй байх чадамжийг шалгах, түүнчлэн онгоцны бүх системүүдийн жигд тогтвортой ажиллагааг шалгасан”-гэж мэдэгдэлд тэмдэглэжээ.
Цаашид туршилтын хамгийн чухал үе шат болох-усны гадаргуугаас хөөрөх ажиллагааг явуулах ёстой. Урьд өмнө AVIC 2022 он гэхэд AG600 газар-уснаа явагч онгоцыг бүтээн нийлүүлэх төлөвлөгөөг эхэлсэн талаар мэдээлэлж байсан.
Үүнтэй төстэй томоохон техникийг зөвхөн Хятад бус дэлхий даяар бүтээхийг эрмэлзэж байсан. Ийм төрлийн хөлгийг гал унтраах болон усан дээр аврах ажиллагаа явуулахад ашиглана. Түүнээс гадна AG600-г далай, тэнгисийн орчныг судлах, ачаа болон зорчигч тээвэрлэх, ашигт малтмал хайх нэмэлт төхөөрөмжүүдээр тоноглогдсон юм.
Онгоц дөрвөн турбо хөдөлгүүрээр хангагдсан бөгөөд 20 секундэд 12 тонн ус сорох чадвартай юм. Онгоц AG600 дээд хүндийн жин 53,5 тонн, биеийн урт 39,3 метр, дэлгэсэн далавчны урт 3,8 метр, нислэгийн алсын зай 4,5 мянган километр. Онгоц нэг удаа 50 хүртэл хүн тээвэрлэж чадна.
2017 оны 12 сард AG600 анхны туршилтаа газрын гадаргуугаас амжилттай гүйцэтгэсэн. 2009 оны зургаадугаар сард AG600 төслийг сайшаан дэмжиж 2016 оны долоон сард түүнийг угсарч дууссан юм.
Ц.Пүрэвдорж
