Төрийн алба тогтвор суурьшилтай явж байх ёстой. Сая Занданшатар гишүүн өөрийнхөө яриандаа Засгийн газар бүрэн эрхийнхээ хүрээнд, энэ сайдыг чөлөөлсөн гэж хэллээ. Засгийн газарт бүрэн эрх байхгүй. Энэ бүрэн эрх зөвхөн УИХ-д л байгаа гэдгийг сануулмаар байна. Дээрээс нь энэ хэрэг болоод байж байдаг хэргийн холбогдогч хүн болох талийгаач Гомбосүрэн гэдэг залуу маань 1980 онд Сэлэнгэ аймгийн Баянгол суманд төрсөн. Айлын удам залгах ганц хүү байсан юм. Дөрвөн хүүхэдтэй, дөнгөж саяхан эхнэр нь наадмаар одонгоо авсан. Одонгоо аваад яаж найрлах уу, яаж мялаах уу гээд баярлаад явж байсан айлд ийм асуудал үүсчээд байна.
Гомбосүрэн бол архи дарс уудаг хүн биш. Ард түмэнд тийм л нийтлэг ойлголт төрөөд байна. Талийгаачийн хувьд бол архи дарс ууж байгаад ажлын байран дээрээ архидан согтуурч байгаад ийм явдал боллоо гэж байна. Гэтэл бодит амьдрал дээр ерөөсөө тийм юм огт болоогүй. Энэ бол нэг өдөрт үүсээгүй гэдэгт Занданшатар сайдтай санал нэгдэж байна. Энэ бол нэг өдөрт, нэг шөнө үүссэн явдал бишээ.
Тэр талийгаачийн амийг хороосон Махбал гэж хүн 2014 онд хүртэл Дорждагват: -За дараа ирэхдээ би чамайг газрын дарга болгоноо гэж амлаад явж байсан хүн. Энэ бол ерөөсөө ажил албан тушаалын төлөө хүний амийг зэрлэгээр хөнөөсөн хэрэг явдал. Ийм байдалтай байж ерөөсөө болохгүй ээ. ЗТЯ-нд болж байгаа энэ үйл явдлыг бид нар, зүгээр нэг золгүй явдал гэж хэзээ ч үзэж болохгүй. Албан тушаалын төлөөх хүн амины ноцтой хэрэг байсан.
Зөвхөн Махбалын талаар мэдээлэл авахад: Зөвхөн өөрийнх нь эзэмшилд 4-5 компанитай, 10-аад ашигт малтмалын лицензтэй, төрсөн дүү нь нэг тэрбум төгрөгийн дүрмийн сантай Тэнгэр ази инвест гэж бүрэн бус санхүүгийн байгууллагатай. БГД, БЗД-т 2 ч орон сууц байгуулсан, хэд хэдэн компанитай, төрсөн хүү 21 настай Билгүүн нь 8-н үл хөдлөх хөрөнгөтэй. Хичнээн ч олон машинтай юм, үл хөдлөх хөрөнгөтэй юм, хичнээн ч олон ашигт малтмалын лицензтэй юм.
Нөгөө ажлыг нь авах гээд санаархаад байсан Дорждагвынх нь талаар бас мэдээлэл байж байна. Зөвхөн түүний нэр дээр ХОМ-д мэдүүлээгүй Глобус гэдэг компани байна. Төрийн албаны цалингаар шинэ машин худалдаж авдсан байна. Хувийн хаусууд Жаргалантын аманд бариулдаг юм байна. Гол нь энэ эмэгнэлт явдлын дараа газрын даргын албан тушаалруу ингэж их тэмүүлж, тачааж явж байж, тэгж байж хүн алчаад одоо дарга болно гэх ойлголт бол угаасаа байхгүй.
Зөвхөн тэр Дорждагвынх нь өөрийнхөө эхнэр Мөнчимэгийн нэр дээр төслийн удирдлагын хөгжлийн хүрээлэн ТББ-аар ЗТЯ-нд 15 оны үйл ажиллагаагаар, “Хэрэглэгчийн үнэлгээний судалгаа-зөвлөхийн үйлчилгээ”-ний гүйцэтгэлд 10 сая төгрөгний гэрээ хийсэн байж байна. Энийг ашиг сонирхлын зөрчил гэхгүй юу гэх вэ. Явсаар явсаар байгаад энэ өөрөө ЗТЯ-нд энэ нь бугшсан байж байгаа, сайдаас үл хамаараад бугшсан байгаа, энэ явдлыг хэзээ засах юм бэ. Энэ төрийн алба хэзээнээс ил тод болох юм бэ.
Тэр мөрдөн байцаалтын нууцлал хаана байгаад байгаа юм бэ. Мөрдөн байцаалтын нууцлал байхгүй, бүх юм хэвлэлээр явж байна шүү дэ. Тэр 1,2,3-н давхарт хийгдэж байсан бичлэгүүд алга болчихсон. Хэрэв зээ энэ зүгээр л нэг золгүй явдал байсан бол, хэдэн хүн архидсан явдал байсан бол энэ бичлэгүүд зүгээр байж байх ёстой байсан. Гэтэл тэд нар нь алга болчихсон. Энэ ерөөсөө ард талдаа яахын аргагүй албан тушаалын төлөөх ийм тэмцлийн үр дүнд, харамсалтайгаар дөнгөж 30 гарч байгаа залуу нас барсан байна. Ард талд нь дөрвөн бүлтийсэн хүүхэд, 30 дөнгөж гарсан бэлэвсэн эхнэр л үлдлээ.
Энэний төлөө хэн хариуцлага хүлээх вэ?
